130 މީހުންނާއެކު ދަތުރުކުރި ބޯޓެއް ފަރަށް އަރައިގެން އެމްއެންޑީއެފްއިން ހަރަކާތްތެރިވާން ފަށައިފިއެވެ.
އެމް.އެން.ޑީ.އެފްއިން ވިދާޅުވީ، ފަރަށް އަރާފައިވަނީ ށ. ފޯކައިދޫން ފުރައިގެން މާލެއަށް ދަތުރުކުރި "ފުރާގު 2″ ނަމަކަށް ކިޔާ ބޯޓެއްކަމަށެވެ.
130 މީހުންނާއެކު ދަތުރުކުރި މި ބޯޓު އަރާފައިވަނީ ޅ. ހިންނަވަރު ކައިރީގައި އޮންނަ ގާއެރިފަރަށެވެ. މި ޙާދިސާގެ ރިޕޯޓް ލިބިފައިވަނީ މިރޭ 8:35 ހާއިރުކަމަށް އެމް.އެން.ޑީ.އެފުން ވިދާޅުވެއެވެ.
އެމްއެންޑީއެފްއިން ވިދާޅުވީ މި ޙާދިސާ ހިނގުމާއި ގުޅިގެން، ދޯނީގައި ތިބި މީހުން ނައިފަރަށް ގެންދިއުމުގެ މަސައްކަތް ކުރަމުން އަންނަކަމަށް އެމް.އެން.ޑީ.އެފުން ވަނީ ވިދާޅުވެފައެވެ.
