ރ. ދުވާފަރުގައި މަސްތުވާތަކެތީގެ ވިޔަފާރި ކުރާ ކަމުގެ ތުހުމަތުގައި ދެ މީހަކު ހައްޔަރުކޮށްފިއެވެ.
ފުލުހުން ބުނީ، މި މަހުގެ 4 ވަނަ ދުވަހު ދުވާފަރު ފުލުހުންނާއި ކައުންޓަރ ނާކޮޓިކްސް އިންޓެލިޖެންސް ގުޅިގެން ކޯޓު އަމުރަކާއެކު ރަށުގެ ގެއެއް ބަލައިފާސްކުރިއިރު، މަސްތުވާތަކެތި ކަމަށް ބެލެވޭ އެއްޗެއް ހުރި 65 ސެލޯފިން ކޮޅު ފެނުނު ކަމަށެވެ.
މި މައްސަލާގައި ހައްޔަރުކުރީ ރ. ދުވާފަރު/ކަބީލާއާގެ، ހާޖަރާ މާއިސާ އަލީ (26) އާއި ރ. ދުވާފަރު/ދަފްތަރު ނަންބަރު 0235، އަބްދުﷲ އަލީ (33) އެވެ.
ބަންދާ ބެހޭ ގޮތުން ކޯޓަށް ހާޒިރުކުރުމުން، ހާޖަރާ ހަތް ދުވަހަށާއި އަބްދުﷲ 15 ދުވަހަށް ބަންދުގައި ބަހައްޓަން ކޯޓުން އަމުރުކުރިއެވެ. މައްސަލަ ފުލުހުން ތަހުގީގުކުރަމުން ދަނެވެ.
ކޮމެންޓު ފޮނުވާ