ރައީސް ޔާމީން ހުންނެވީ އިންޑިއާ އައުޓް ހަރަކާތް ހުއްޓާލައި، ސަރުކާރުން ދައްކާ ބިރަކަށް ފަސްޖެހޭ ގޮތަކަށް ނޫންކަމަށާއި، ކުރިއަށް އޮތް ތަނުގައި އިންޑިއާ އައުޓް ހަރަކާތް ވަރަށް ފުޅާކޮށް ހިންގާނެކަމަށް އިދިކޮޅު ޕީޕީއެމްގެ ކަނބަލުން ބުނެފިއެވެ.
ޕީޕީއެމްގެ އޮފީހުގައި މިރޭ ކަނބަލުން ބޭއްވި ޕްރެސްގައި ޕީޕީއެމްގެ ތަރުޖަމާނު ހީނާ ވަލީދު ވިދާޅުވީ އިންޑިއާ އައުޓް ހަރަކާތަކީ މިޤައުމުގެ ދިފާއުގައި ދިވެހި ރައްޔިތުން ހިންގާ ހަރަކާތެއް ކަމަށެވެ. ޤާނޫނު އަސާސީން ދިވެހި ރައްޔިތުންނަށް ލިބިދީފައިވާ ހައްގުތައް ހަނި ކުރުމަކީ މިސަރުކާރަށް ކުރެވޭނެ ކަމެއް ނޫންކަމަށް ހީނާ ވިދާޅުވިއެވެ. އަދި
އިންޑިއާ އައުޓް ހަރަކާތް ނުހުއްޓުވޭނެ. ތަފާތު އެކި ގޮތްގޮތަށް ކުރިއަށް އޮތް ތަނުގައި އަޅުގަނޑުމެން މިހަރަކާތް ގެންދާނަން. ރައީސް ޔާމީން ހުންނެވީ ވަރަށް ސާބިތު ކަމާއިއެކު، އިންޑިއާ އައުޓް ހަރަކާތް އެމަނިކުފާނު ކުރިއަށް ގެންދަވާނެ.
– ހީނާ ވިދާޅުވިއެވެ.
ހީނާ ވިދާޅުވީ ރައީސް ޔާމީނަށް އިންޒާރުދީ ތަފާތު ކުށްތަކަށް އަރައި ގަންނަމުންދާއިރު، އެކަން ބަލާނެ މުވައްސަސާއެއް ނެތުމަކީ ނުހަނު ކަންބޮޑުވާކަމެއްކަމަށެވެ. ހީނާ ވިދާޅުވީ ޕީޕީއެމްގެ ހުރިހާ މެމްބަރުން ތިބީ ޤައުމާއި ރައީސް ޔާމީންގެ ދިފާއުގައި ކުރަންޖެހުނު ކޮންމެ ކުރަން ތައްޔާރަށް ކަމަށެވެ.
އަޅުގަނޑުމެން މިތިބީ ވަރަށް ސާބިތުކަމާއިއެކު. ރައީސް ޔާމީން ހުންނެވީ އިންޑިއާ އައުޓް ހަރަކާތް ހުއްޓާލާ ގޮތަކަށްނޫން. އެމަނިކުފާނު ހުންނެވީ ވަރަށް ސާބިތުކަމާއިއެކު މިހަރަކާތް ކުރިއަށް ގެންދާގޮތަށް. އަޅުގަނޑުމެން ފަހަތަކަށް ނުޖެހޭނެ. މިހަރަކާތް އަޅުގަނޑުމެން ކުރިއަށް ގެންދާނަން.
– ހީނާ ވިދާޅުވިއެވެ.
މިއަދު ރައީސް ޔާމީންގެ ރައްކާތެރިކަމާއި ގުޅޭގޮތުން ޕާޓީގެ އާންމު މެމްބަރުންނާއި ދިވެހި ރައްޔިތުންވެސް ނުހަނު ކަންބޮޑުވާކަމަށް ހީނާ ވިދާޅުވިއެވެ. މިބައްދަލުވުމުގައި ބައިވެރިވި ކަނބަލުންވަނީ ކުރިއަށް ތަނުގައި މިހަރަކާތް ހިންގަން ގޮވާލި ކޮންމެ ތަނަކަށް ދާން ތައްޔާރަށް ތިބިކަމަށެވެ. އަދި މިހާރު ސަރުކާރުން މިކަމުގައި އަމަލު ކުރަމުންދާގޮތުން މިކަން ދެން ނުހުއްޓުވޭނެކަމަށް ކަނބަލުން ވަނީ ބުނެފައެވެ.
