ކުރީގެ ރައީސް މުހައްމަދު ނަޝީދާއި، ރައީސް ޔާމީން ގެންގުޅުއްވާ ސިޔާސަތުތަކުގެ ސަބަބުން ރާއްޖެއަށް ހީނުކުރާ ވަރުގެ ގޮންޖެހުންތަކާއި ކުރިމަތިވެދާނެކަމަށް ޓްރޭޑް ޔޫނިއަންގެ ނައިބް ރައީސް ސައުދު ވިދާޅުވެއްޖެއެވެ.
ސައުދު މިހެން ވިދާޅުވީ ރައީސް ނަޝީއާއި، ރައީސް ޔާމީންގެ ސިޔާސަތުތަކާއި ގުޅިގެން ހުރި ކަންބޮޑުވުންތައް ފާހަގަކޮށް ކުރެއްވި ޓުވީޓުގައެވެ. އޭނާ ވިދާޅުވީ ރާއްޖެއަކީ އުފެއްދުންތެރިކަން މަދު ޤައުމަކަށްވެފައިވާ، އިމްޕޯޓަށް ބަރޯސާވެފައިވާ ޤައުމަށްވާއިރު، ދުނިޔޭގެ އެންމެ ބޮޑު ދެބާރާއި ޖެހިގަނެގެން އުޅުމަކީ ރާއްޖޭގެ ކުރިމަގަށް ހެޔޮ އެދޭ ސިޔާސީ ލީޑަރުން މަސައްކަތް ކުރާނެ ގޮތެއް ނޫންކަމަށެވެ.
ރައީސް ޔާމީނާއި، ރައީސް ނަޝީދު ގެންދަވަނީ، ޚާރިޖީ ގޮތުންނާއި، ދާޚިލީ ގޮތުންވެސް ރާއްޖޭގެ ރައްޔިތުންނަށް ހީވެސް ނުކުރާފަދަ ގެއްލުންތަކާއި ކުރިމަތިވެދާނެ ކަންކަން ކުރަމުން ކަމަށް ސައުދު ވިދާޅުވިއެވެ. ރައީސް ޔާމީނަށް އިންޑިއާ ކަމުނުގޮސް ހިތުހުރި އެއްޗެއާ ކިޔާއިރު، ރައީސް ނަޝީދަށް ޗައިނާ ކަމުނުގޮސް ހެއްދެވި ނެހެއްދެވިއަށް ގޮވަމުންދާކަމީ އެކަމުން އާންމު ރައްޔިތުންނަށް އެތަކެއް ގެއްލުން ތަކެއް ކުރިމަތި ވެދާނެ ކަމެއްކަމަށް ސައުދު ވިދާޅުވިއެވެ.
ރައީސް ނަޝީދާއި، ރައީސް ޔާމީން ގެންގުޅޭ ސިޔާސަތުގެ ސަބަބުން މިޤައުމަށް ހީވެސް ނުކުރާ ވަރުގެ ގޮންޖެހުންތަކާއި ކުރިމަތިވުން ކައިރި. އަވަށްޓެރި ޤައުމުތަކާއި ހާއްސަކޮށް ޗައިނާ، ފަދަ އިޤްތިޞާދީ ބޮޑެތި ބާރުތަކާއި ފާޅުގައި ޖެހިގަތުމަކީ ހެޔޮވަރުގެ ކަމެއް ނޫން. މިއަދުވެސް ދުނިޔޭގައި ފެނިގެން އެދަނީ މިކަމުގެ ލާމަސީލު މިސާލެއް. ޤައުމަށް ހެޔޮ އެދޭ ބަޔަކު ކުރާ ކަހަލަ ޒާތުގެ ކަންތައްތަކެއް ނޫން. ވަރިކަން ހޯދަން ކުރާ މަސައްކަތުގެ ތެރެއަށް ޤައުމުގެ މަސްލަހަތަށް ނުބަލައި ރައްޔިތުންގެ ކޮން ވާހަކައެއްތޯ ދައްކަން އޮތީ. ރައްޔިތުންނަށް ހެޔޮ އެދިގެން އުޅޭހެން ހިއެއްނުވޭ.
– ސައުދު ވިދާޅުވިއެވެ.
ސައުދު މިހެން ވިދާޅުވެފައިވާއިރު ރައީސް ނަޝީދު މިހާރު އިންޑިއާއަށް ކުރައްވާ ދަތުރު ފުޅުފައި އިންޑިއާގެ ފޮރިން ސެކްރެޓަރީ ޝިޔަމް ސަރަން ދެއްވި ލެކްޗަރެއްގައި ބައިވެރިވެވަޑައިގެން ނަޝީދު ވަނީ ޗައިނާގެ "ބޮލުގައި" ބޮޑެތި ތުހުމަތުތަކެއް އަޅުވައިފައެވެ. އެގޮތުން ޗައިނާ އިން އުޅެނީ ރާއްޖެ އަށް "ހުދުމުހުތާރު ވެރިކަމެއް" ގެނައުމަށް ކަމަށް ވެސް ތުހުމަތު ކުރައްވާފައިވެއެވެ.
ނަޝީދު ވިދާޅުވީ ދިވެހިން ބޭނުން ވަނީ އިންޑިއާއާއެކު ގުޅުން އިތުރަށް ވަރުގަދަ ކުރުމަށް ކަމަށެވެ. ނަޝީދު ވަނީ ރާއްޖެއާ ޗައިނާއާ ދެމެދު އޮތް ގުޅުމަށް ވަރަށް ބޮޑަށް ފާޑުވިދާޅުވެފައެވެ. އެގޮތުން ޗައިނާގެ މަޝްރޫއުތަކަކީ "ދަރަނީގެ ދަންތުރަ"ތަކެއް ކަމަށާއި، އޭގެ މަގުސަދަކީ "ބިން ފޭރުން"ކަމަށް ވިދާޅުވާ ވާހަކަ ތަކުރާރު ކުރެއްވިއެވެ.
3 Responses
ސައުދުއަކަށް ނުފެނޭތަ އިންޑިޔާއަށް ގައމު ވިއްކާފަ އޮތް ތަނެއް އިންޑިޔާ އައުޓް
ކޮންތާކުން ކޯއްޗެއް އެނގިގެން އުޅޭ މީހެއްމީ، ސިޔާސީ ނޫންކަމަށާ ހެދިގެން ކުންފުންޏެއް ހަދައިގެން ހިންގަނީ މުޅިންވެސް ސިޔާސީ ޙަރަކާތް، ޤައުމުގެ ހަރުމީހުންގެ މައްޗަށް ބަސްކިޔާ އިރު ޙައިސިއްޔަތެއް އޮންނަންވާނެ. ސަރުކާރުން މަންފާހޯދަން ހެޑްލައިނެއް އަޅާލުން ނޫން މާކަބޮޑުކަމެއް ކުރެވޭ މީހެއްހެނެއް ހިއެއްނުވޭ.
ކަލޭތަ ރަގަޅީ