އިދިކޮޅު ކޯލިޝަނުން ހުރުކުރު ދުވަހު ހިންގުމަށް ހަމަޖެހިފައިވާ "ނޭވާހޮޅިއަށް" އިންޑިއާ އައުޓް ހަރަކާތް ނުބޭއްވެނެކަމަށް ފުލުހުން އިދިކޮޅު ކޯލިޝަން އަންގައިފިއެވެ.
ފުލުހުން އިދިކޮޅު ކޯލިޝަނާއިއެކު މިއަދު ބޭއްވި ބައްދަލުވުމަށްފަހު، ނޫސްވެރިންނާއި ބައްދަލު ކުރަައްވައި ވާހަކަ ދައްކަވަމުން ރައްޔިތުންގެ މަޖިލީހުގެ ހުޅުދޫ ދާއިރާގެ ކުރީގެ މެމްބަރު މުހައްމަދު ޝާހިދު (ޝާޑު) ވިދާޅުވީ ސިޔާސީ ޕާޓީއެއްގެ ދައުރަކީ ޤާނޫނުން ވަރަށް ގިނަ ޒިންމާތަކެއް އޮތް ބަޔަކަށްވާއިރު، ހަރަކާތެއް ނުހިންގައި ބަލަންތިބުމަކީ ސިޔާސީ ޕާޓީގެ ދައުރެއް ނޫންކަމަށެވެ.
ޝާހިދު ވިދާޅުވީ މިއަދުގެ ބައްދަލުވުމުގައި ފުލުހުން ބުނެފައިވަނީ މިހަރަކާތް ނުހިންގޭނެކަމަށެވެ. އަދި ބޮޑެތި ތުހުމަތުތަކެއްކޮށް ހަރަކާތް ކުރިއަށް ނުގެންދިއުމަށް ދަންނަވާފައިވާކަމަށެވެ. މިކަމަކީ އެއްވެސް ގޮތަކަށް ހަމަނުޖެހުމަށް ޖާގަލިބޭ ގޮތަކަށް ހިންގާނެ ހަރަކާތެއް ނޫންކަން ތަކުރާރުކޮށް ވިދާޅުވެފައިވާކަމަށް ޝާހިދު ވިދާޅުވިއެވެ.
މިބައްދަލުވުމުގައި ބައިވެރިވި އިދިކޮޅު ތަރުޖަމާނު ހީނާ ވަލީދު ވިދާޅުވީ، ޤާނޫނު އަސާސީން އެއްވެ އުޅުމާއި ޚިޔާލު ފާޅު ކުރުމުގެ މިނިވަންކަން ކޮންމެ ރައްޔިތަކަށްވެސް ލިބިގެންވާކަމަށެވެ. އެހެންކަމުން ހުކުރު ދުވަހު މިހަރަކާތް އޮންނާނެކަމަށް ހީނާ ވިދާޅުވިއެވެ. އަދި ފުލުހުން ކުރި ތުހުމަތު ތަކަކީ އެއްވެސް ތާކުންތާކު ނުޖެހޭ ތުހުމަތު ތަކެއްކަމަށް ހީނާ ވިދާޅުވިއެވެ.
ހުކުރު ދުވަހު ރާއްޖޭގައި އިންޑިއާ ސިފައިން ނުތިބެވޭނެ ކަމަށް ބުނެ އިދިކޮޅު ކޯލިޝަނުން ބޮޑު ހަރަކާތެއް ބާއްވަން ނިންމާފައިވާއިރު، އަތޮޅުތެރޭގައި ވެސް އެ ހަރަކާތް އަންނަނީ ބާއްވަމުންނެވެ. ސިލްސިލާކޮށް ކުރިއަށް ގެންދާ ހަރަކާތްތަކުގައި ކުރީގެ ރައީސް އަބްދުﷲ ޔާމީން އިސްކޮށް ބައިވެރިވެވަޑައިގަންނަވައެވެ.
ކޮމެންޓު ފޮނުވާ