ވެރިކަން ކުރާ އެމްޑީޕީގެ ޤައުމީ މަޖިލީހުގައި ރައީސް ނަޝީދަށް ތާއީދުކުރާ ޤައުމީ މަޖިލީހުގެ މެމްބަރުން އެމަނިކުފާނަށް ދިން ހަމަލާގެ ތަފްސީލް ހާމަކޮށްދޭން ގޮވާލައިފިއެވެ.
އެމްޑީޕީގެ ޗެއާޕާސަންގެ އިންތިޚާބު ބާއްވާނެ ތާރީޚު ފަސްކުރުމަށް މިރޭ ބާއްވާ އެމްޑީޕީގެ ޤައުމީ މަޖިލިސްގައި ރައީސް ނަޝީދަށް ތާއީދު ކުރާ ޤައުމީ މަޖިލިސް މެމްބަރުންނާއި، ރައީސް ޞާލިހަށް ތާއީދުކުރާ ޤައުމީ މަޖިލިސް މެމްބަރުންގެ މެދުގައި ދަނީ ހޫނު ބަހުގެ ހަމަލާތަކެއް ބަދަލު ކުރަމުންނެވެ.
މިޖަލްސާގައި ވާހަކަ ދައްކަވަމުން، އިންތިގެ ސްޕޯކްސް ޕާސަން މުހައްމަދު ވަހީދު (ވައްޑެ) ވިދާޅުވީ، އެމްޑީޕީގެ ޤައުމީ މަޖިލިސްގައި މިހާރު ކުރަންޖެހޭ އެންމެ މުހިންމު ކަމަކީ، ރައީސް ނަޝީދަށް ދިން ހަމަލާ ބެލުންކަމަށެވެ. އެކަން ނުބަލައި އެކަން ބޮލާލާ ޖަހާފައި ކުރަންޖެހޭ އެހެންކަމެއް ނެތްކަމަށެވެ. އޭނާ ވިދާޅުވީ އެކަން ނުބަލަން އެމްޑީޕީގެ ޤައުމީ މަޖިލީހުން ކުރަމުންދާ މަސައްކަތަކީ ނުހަނު ހިތާމަ ކުރާ ކަމެއްކަމަށެވެ.
ރައީސް ނަޝީދަށް ތާއީދުކުރާ މެމްބަރުންގެ ތެރެއިން ގިނަ މެމްބަރުންވަނީ، އެމަނިކުފާނަށް ދިން ހަމަލާގެ މައްސަލަ ބެލުމަށް އަންނަ ހަފްތާގައި ޤައުމީ މަޖިލިސްގެ ކުއްލި ބައްދަލުވުމެއް ބޭއްވުމަށް ގޮވާލާފައެވެ. އަދި އެޖަލްސާގައި ރައީސް ނަޝީދަށް ދިން ހަމަލާގެ ތަފްސީލް ހާމަ ކުރުމަށް ވަނީ ގޮވާލާފައެވެ.
މިދިޔަ އަހަރުގެ މޭއި 6 ވަނަ ދުވަހުގެ ރޭ ރައީސް ނަޝީދު ދިރިއުޅުއްވާ ގ.ކެނެރީގެއިން ނިކުމެވަޑައިގެން ހިންގަވާފައި މަޖީދީމަގުގައި ޕާކުކޮށްފައިއޮތް ކާރުކޮޅަށް އަރާވަޑައިގަންނަވަނިކޮށް ބޮމެއް ގޮއްވާލައިގެން ދިން ޙަމަލާގައި ވަނީ ބޮޑެތި ޒަޚަމްތަކެއް ލިބިވަޑައިގެންފައެވެ. އެމަނިކުފާނަށް އެންމެ ފުރަތަމަ ފަރުވާދެއްވި އޭޑީކޭގެ ސްޕެޝަލިސްޓުންގެ ޓީމުންވެސް ވަނީ އެކަން ހާމަކުރައްވާފައެވެ.
ނަޝީދު އަވަހާރަކޮށްލަން ދިން ހަމަލާއާ ގުޅިގެން ރައްޔިތުންގެ މަޖިލީހުން ތައްޔާރުކުރި އިންކުއަރީ ރިޕޯޓުގައިވާ ކަންކަމަށް ބަލައި އަވަސް ފިޔަވަޅު ނާޅައިފިނަމަ ދިވެހި ރައްޔިތުންނަށް ބޮޑު ގެއްލުމަކާ ކުރިމަތިލާން ޖެހިދާނެ ކަމަށް ރައީސް ނަޝީދުވަނީ ވިދާޅުވެފައެވެ.
One Response
ޙަމަލާގެ ތަފުސީލު ދޭން ގޮވަން ވެއްޖެ މިހާރު، އަހަރާ ގާތްވި އިރުވެސްް
އެއްމެ ކުޑަމިނުން ފަނޑު ކުރި މީހުންވެސް އެނގުން ކަމަކަށް ނުހެދި، ހީވަނީ ތި ހަމަލާއަކީ މީރާ ބުނިހެން ސަރުކާރު ތެރެއިން ކޮށްގެން އުޅޭ ކަމެއްހެން.