ވިދަމުން އަންނަ ބޮލީވުޑް ތަރި ކިއާރާ އަދުވާނީ، އޭނާ މިއަހަރު ކުރަން ބޭނުންވާ ކަންކަން (ވިޝް ލިސްޓް) ކިޔައިދީފިއެވެ.
"ޝޭރްޝާހް" އިން ބެލުންތެރިންގެ ހިތް އަތުލި ތަރި ބުނެފައިވަނީ މި އަހަރު ނިމުމުގެ ކުރިން އޭނާ ސަންޖޭ ލީލާ ބަންސާލީ އާއި އެކުގައި މަސައްކަތް ކުރުމަށް ފިލްމަކަށް ސޮއި ކުރުމަކީ އެންމެ ބޭނުންވާ އެއްކަން ކަމަށެވެ.
ސަންޖޭ އަކީ ބޮލީވުޑްގައި ހުރި އެންމެ ހުނަރުވެރި އެއް ޑައިރެކްޓަރެވެ. އޭނާ ޑައިރެކްޓުކުރާ ގިނަ ފިލްްމުތަކަށް ސުޕަރ ހިޓްގެ ދަރަޖަ ބޮކްސްއޮފީހުގައި ލިބެއެވެ.
ކޮންމެ ތަރިއެއްގެ ވެސް ހުވަފެނަކީ ސަންޖޭގެ ފިލްމްއެއްގައި ބައިވެރި ވުމުގެ ފުރުސަތު ހޯދުމެވެ. ނަމަވެސް ސަންޖޭއަކީ އޭނާގެ ފިލްްމުކަށް ތަރިން ހޮވުމުގައި ވަރަށް ބޮޑަށް ބަލާ ޑައިރެކްޓަރެކެވެ.
ފިލްމް ފެއާއާ ވާހަކަދައްކަމުން ކިއާރާ ބުނެފައިވަނީ އޭނާ މިއަހަރު ކުރަން އެންމެ ބޭނުން ވާ 3 ކަމަކީ ސަންޖޭގެ ފިލްމްއެއްގައި މަސައްކަތް ކުރުމުގެ އިތުރުން ވީހާވެސް ގިނަ ގައުމު ތަކަށް ދަތުރުކުރުމާއި ފިލްމު ޝޫޓިންގ ތަކަށް ދިއުން ކަމަށެވެ.
"ޝޭރްޝާހް" ގެ އެކްޓަރ ސިދާތު މަލްހޮތުރާއާ ލޯބިގެ ގޮތުން ގުޅިގެން އުޅޭ އެކްޓަރެސް މިހާރުވެސް އަންނަނީި އެކިއެކި ގައުމުތަކަށް ދަތުރުތައް ކުރަމުންނެވެ.
