މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ޑިރެކްޓަރުންގެ ބޯޑުން ދެ މެންބަރަކު މިއަދުން ފެށިގެން ވަކިކޮށްފި އެވެ.
ދައުލަތުގެ ކުންފުނިތައް ބަލަހައްޓާ ޕީސީބީން ބުނީ، ވަކިކޮށްފައިވަނީ ބޯޑުގެ އެގްޒެކްޓިވް ޑިރެކްޓަރު ހ. ފިނޮޅު، މުހައްމަދު މިހާދާއި ބޯޑު މެންބަރު މ. ވެލާލުގެ، ސަހަރު ވަހީދު ކަމަށެވެ. ނަމަވެސް މި ދެ މެންބަރުން ވަކިކުރި ސަބަބެއް ޕީސީބީން ހާމައެއް ނުކުރެ އެވެ. އެމްއޭސީއެލް އިން ވެސް މި ކަމާ ބެހޭ ގޮތުން އަދި އެއްވެސް ބަޔާނެއް ނެރެފައެއް ނުވެ އެވެ.
މިހާދަކީ 2024 ވަނަ އަހަރުން ފެށިގެން އެމްއޭސީއެލްގެ ޗީފް ކޮމާޝަލް އޮފިސަރުގެ މަގާމުގައި ހިދުމަތްކުރާ ފަރާތެކެވެ. ސަހަރަކީ ބީއެމްއެލްގެ ޑެޕިއުޓީ ސީއީއޯ އަދި ސީއޯއޯ އެވެ. އޭނާއަކީ ސަރުކާރުން މި ފަހުން އުފެއްދި އައްޑޫ ހަންކެޑެ ޑިވެލޮޕްމަންޓް ކޯޕަރޭޝަންގެ ބޯޑު މެންބަރެއް ވެސް މެ އެވެ.
ކޮމެންޓު ފޮނުވާ