މާލޭ ރަސްފަންނުގައި ހުރި ރުއްތަކުން ހުއްދައެއް ނެތި ކުރުނބާ އެޅި ތުހުމަތުގައި ހައްޔަރުކުރި 56 އަހަރުގެ މީހެއްގެ ބަންދު ކްރިމިނަލް ކޯޓުން ހަތް ދުވަހަށް އިތުރުކޮށްފިއެވެ.
ސ. ހިތަދޫއަށް ނިސްބަތްވާ މި މީހާ ކޯޓަށް ހާޒިރުކުރުމުން ނެރުނު އަމުރުގައިވާ ގޮތުން، އޭނާއަކީ މީގެ ކުރިންވެސް ހައްޔަރުކޮށް ބަންދުކުރެވިފައިވާ ރެކޯޑު އޮތް މީހެކެވެ. ކޯޓުގައި އޭނާ ބުނީ ރަސްފަންނުގެ ރުއްތަކުން ކުރުނބާ އެޅުމަކީ މަނާކަމެއްކަން ނޭނގޭ ކަމަށެވެ.
ގާޒީ މުޒައްމިލް ނާސިރު ނެރުނު އަމުރުގައި ބުނެފައިވަނީ، މި މީހާ ބަންދުން ދޫކޮށްލައިފިނަމަ މުޖުތަމަޢުގެ ސަލާމަތަށް ނުރައްކަލެއް ކުރިމަތިވެދާނެތީ ބަންދުގައި ބަހައްޓަން ޖެހޭ ކަމަށެވެ. ކުށް ކުރިކަމަށް ބެލެވޭނެ ވަރުގެ ހެކި ހުރިކަމާއި، މި މައްސަލައާ ގުޅޭ ރިޕޯޓެއް ފުލުހުން ކޯޓަށް ހުށަހަޅާފައިވާކަންވެސް އަމުރުގައި ފާހަގަކޮށްފައިވެއެވެ.
ނަމަވެސް، މި މީހާ އެޅި ކުރުނބާގެ އަދަދެއް ކޯޓުން ހާމަކޮށްފައެއް ނުވެއެވެ.
ކޮމެންޓު ފޮނުވާ