މަސައްކަތް ކުރައްވާނީ ރައްޔިތުން ހޮވި ސަރުކާރާ އެކު ކަމަށް ވިދާޅުވެ، އެމްޑީޕީގެ ޗެއަރޕާސަންގެ އިންތިހާބުގައި އިކޮނޮމިކް މިނިސްޓަރ ފައްޔާޒް އިސްމާއިލް އަށް ތާޢީދު ކުރައްވާނެކަން ރައްޔިތުނަގެ މަޖިލީހުގެ ހެންވޭރު ދެކުނު ދާއިރާގެ މެމްބަރު ހުސައިން ޝަހީމް ( އަނދުން ހުސައިން) ވިދާޅުވެއްޖެއެވެ.
އަނދުން ހުސައިން ކުރެއްވި ޓްވީޓެއްގައި ވިދާޅުވީ ފައްޔާޒަށް ތާޢީދު ކުރައްވަން ނިންމެވީ، ދާއިރާގެ ރައްޔިތުންނަށް ގޯއްޗާއި ފްލެޓް ހޯދައި ދިނުމާއި ވިޔަފާރި ލޯނާއި ރައްޔިތުން ބޭނިނުންވާ ތަރައްގީ ހޯދައި ދިނުމަށް ސަރުކާރާއެކު މަސައްކަތް ކުރުމަށް ކަމަށެވެ.
Dhaairaage rayyathun ah goathi hoadhumaa flat, viyafaari loan aai beynun vaa tharahgee aai kurierun sarukaaieku massahkaih hoadumah MDP Chairperson akah mifaharu @faya_i ah thaaeedhu kuran alhuga’ndu ninmaifin. Massah kaih kuraanee rayyathun hoahvevi sarukaaraai eku. pic.twitter.com/yd3yfI5UiH
— Hussain Shaheem (@AndhunHussain) February 19, 2022
ސަރުކާރު ހިންގާ މައި ޕާޓީ އެމްޑީޕީގެ އެތެރޭގެ އިންތިހާބުގެ ފޯރި ގަދަވެފައިވާ ދަނޑިވަޅެއްގައި އިއްޔެ ބޭއްވި އެ ޕާޓީގެ ޕީޖީ ގުރޫޕުގެ އިންތިހާބުވެސް ކާމިޔާބުކޮށްފައި ވަނީ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހަށް ތާޢީދުކުރާ މެމްބަރުންނެވެ.
އިކޮނޮމިކް މިނިސްޓަރު ފައްޔާޒު އިސްމާއިލަކީ ރައީސް ސާލިހު އެންމެ އިތުބާރު ކުރައްވާ ވަޒީރެވެ. ފައްޔާޒުއާއި ވާދަ ކުރާ، މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީއަކީ ފެށުނީއްސުރެ އެމްޑީޕީގެ ރައީސް، ރައީސް ނަޝީދުގެ އެންމެ އަރިސް އެ މެމްބަރެވެ.
އެހެންކަމަށް ވުމުން ޗެއަރޕާސަންގެ އިންތިހާބަކީ އެމްޑީޕީގެ އެތެރޭގައި ޕާޓީގެ އެންމެ އިސް ލީޑަރ ރައީސް ސާލިހާއި ޕާޓީގެ ރައީސް، ރައީސް ނަޝީދުގެ ތާޢީދު އޮތް މިންވަރު ވަޒަންކޮށްލެވޭނެ އިންތިހާބެއް ކަމަށް ގިނަ ބަޔަކު ދެކެއެވެ.
ކޮމެންޓު ފޮނުވާ