ލޯބިވެރިންގެ ދުވަހުގެ ތަހުނިޔާ ކިޔުމުގެ ގޮތުނަ މަލައިކާ ސޯޝަލްމީޑިއާގައި މީގެ ކުރިިން ޕޯސްޓް ނުކުރާފަދަ ފޮޓޯއެއް ޕޯސްޓް ކޮށްފިއެވެ.
މަލައިކާ އޭނާގެ ޒުވާން ލޯބިވެރިޔާ އަރުޖުންނާއެކުގައި ނަގާފަައިވާ ވަރަށް ރޮމޭންޓިކް ޕޯސްޓެއް ހިއްސާކޮށް ލިޔެފައިވަނި "މައިން" އެވެ. އަދި ރަތް ކުލައިގެ ހާޓް އިމޯޖީއެއް ވެސް ވަނީ ޖަހާފައެވެ.
ގިނަ ބަޔަކު އަންނަނީ މަލައިކާ އާއި އަރުޖުން ލޯބީގެ ގޮތުން ގުޅިގެން އުޅޭތީ އެކަމަށް ފާޑުކިޔަމުންނެވެ. އެއީ އަރުޖުން، މަލައިކާއަށް ވުރެ އެތައް އަހަރެއް ހަގު މީހަކަށް ވާތީއެވެ.
ނަމަވެސް ފާޑުކިޔުން ތަކަށް އަޅާލުމެއް ނެތި މިދެތަރިން އަންނަނީ އެކުގައި ވަގުތު ހޭދަކޮށް އެކަކު އަނެކަކު ދެކެ ވާ ލޯބި ހާމަކުރަމުންނެވެ.
މި ފޮޓޯ މަލައިކާ ޕޯސްޓް ކުރުމުން ރައްދުގައި އަރުޖުން ވެސް ވަނީ ހަމަ މިފަދަ ރޮމޭންޓިކް ފޮޓޯއެއް ޕޯސްޓް ކޮށްފައެވެ.
ލޯބިވެރިންގެ ދުވަހުގެ ހާއްސަ ޝޯއެއްގައި ހިންދުސްތާން ޓައިމްސްއާ ވަހަކަ ދައްކަމުން އަރުޖުން ބުނެފައިވަނީ މީހުންގެ މަލާމާތާއި ފާޑުކިއުންތަކުގެ ސަބަބުން އެ ދެމީހުން އެކަކު އަނެކަކު ދެކެވާ ލޮތްބަށް ބަދަލެއް ނާންނާނެ ކަމަށެވެ. އަދި ދެމީހުން އަބަދުވެސް އެކަކު އަނެކަކުގެ ދިފާއުގައި ވާހަކަ ދައްކާނެ ކަމަށް ވެސް އޭނާ ބުނެފައިވެއެވެ.
މަލައިކާ އަށް ވުރެ އަރުޖުން 12 އަހަރު ހަގު ވުމާއި ގުޅިގެން ފެށުނީންސުރެވެސް މި ޖޯޑަށް ގިނަ ބަޔަކު އަންނަނީ މަލާމާތާއި ފުރައްސާރަ ކުރަމުންނެވެ.
ކޮމެންޓު ފޮނުވާ