ޑައިރެކްޓަރ ޝަކުން ބަތުރާގެ ކުރިއަށް އޮތް ފިލްމު "ގެހެރާއިޔާ"ގެ ޓްރެއިލާ ދައްކާލައިފިއެވެ.
މި ފިލްމަކީ ދީޕިކާ ޕަޑުކޯން މީގެ ކުރިން ފެނިފައި ނުވާފަދަ ގޮތަކަށް ފެނިގެންދާނެ ފިލްމެއްކަމަށް ޚަބަރުތައް ބުނެއެވެ. އެގޮތުން މިއީ ދީޕިކާ މިހާތަނަށް ކުޅެފައިވާ އެންމެ "ބޯލްޑް" ރޯލު ފެނިގެންދާ ފިލްމު ކަމަށް ރިޕޯޓްތައް ބުނެއެވެ.
މި ފިލްމުގައި ދީޕިކާ ފެނިގެން ދާނީ ފިޓްނެސް ޓްރެއިނަރ އެއްގެ ގޮތުގައެވެ. މިގެ އިތުރުން ދީޕިކާ އަކީ ކައިވެނިކޮށްގެން ހުރެ ވެސް، އޭނާގެ ދެބެންގެދެދަރި ކޮއްކޮގެ ލޯބިވެރިޔާއާ ސިއްރު ގުޅުމެއްބާއްވާ އަޑިނޭނގޭ މީހެކެވެ.
މި ފިލްމަކީ ތަފާތު ލޯބީގެ ފިލްމްއެކެވެ. ލޯބީގެ ކުޅިގަނޑު ވަރަށް ބޮޑަށް ފެނިގެންދާ މި ފިލްމްގައި ނާޖާއިރު ލޯބީގެ ސަބަބުން ދިމާވާ ކަންތައްތަކެއް ފެނިގެން ދާނެއެވެ.
ފިލްމުން ދީޕިކާ އާއެކު ސިދާންތު ޗަތުރުވެދީ، އަނަންނިޔާ ޕާންޑޭ އަދި ދައިރްޔާ ކަރްވާ ފެނިގެންދާނެއެވެ.
ކޯވިޑްގެ ސަބަބުން މި ފިލްމު ރިލީޒް ކުރުމަށް ހަމަޖެހިފައިވަނީ އެމެޒަން ޕްރައިމް ވީޑިއޯއިންނެވެ. ކުރިން މި މަހުގެ 25 ގައި ރިލީޒް ކުރުމަށް ނިންމާފައިވާ މި ފިލްމު ފަސްކޮށްފައިވަނީ އަންނަމަގެ 11 ގައި ސްޓްރީމް ކުރަން ފަށާގޮތަށެވެ.
