ދީޕިކާ ޕަޑުކޯންގެ "ގެހެރާއިޔާ" އަންނަ މަހު އެމޭޒަން ޕްރައިމް ވީޑިއޯއިން ޕްރިމިއާކުރާ ގޮތަށް ނިންމައިފިއެވެ.
މި ފިލްމަކީ ދީޕިކާ މިހާތަނަށް ފެނިގެން ދާނެ އެންމެ "ބޯލްޑް" ކެރެކްޓާ ފެންނަ ފިލްމެވެ. ޝަކުން ބަތުރާ ޑައިރެކްޓް ކޮށްފައިވާ މި ފިލްމުން ދީޕިކާ އާއެކު ސިދާންތު ޗަތުރުވެދީ އާއި އަނަންނިޔާ ޕާންޑޭ ފެނިގެން ދާނެއެވެ.
ވަކި ނަމެއް ނުދީ މިދިއަ އަހަރު ޝޫޓިންގ ފެށި މި ފިލްމު ޕްރިމިއާ ކުރަން ހަމަޖެހިފައިވަނީ އަންނަ ޖަނަވަރީ މަހު 25 ގައިއެވެ.
މި ފިލްމުގައި ދީޕިކާ ފެނިގެން ދާނީ ފިޓްނެސް ޓްރެއިނަރ އެއްގެ ގޮތުގައެވެ. މިގެ އިތުރުން މި ފިލްމުގައި ދީޕިކާ އަކީ ކައިވެނިކޮށްގެން ހުރެ ވެސް، އޭނާގެ ކޮއްކޮގެ ލޯބިވެރިޔާއާ ސިއްރު ގުޅުމެއްބާއްވާ އަޑިނޭނގޭ މީހެކެވެ.
"ގެހެރާއިޔާ" އަކީ ކަރަން ޖޯހަރްގެ ދަރްމާ ޕްރޮޑަކްޝަނުން އަންނަ އަހަރު ބެލުންތެރިންނަށް ގެނެސްދޭނެ ފުރަތަމަ ފިލްމެވެ. އަންނަ އަހަރު ދަރްމާއިން ގިނަ ފިލްމު ތަކެއް ބެލުންތެރިންނަށް ގެނެސްދިނުމަށް ވަނީ ހަމަޖެހިފައެވެ.
ކޮމެންޓު ފޮނުވާ