ޒުވާން ލޯބިވެރިޔާ، އެކްޓަރ އަރުޖުން ކަޕޫރާއެކު ބޮލީވުޑްގެ ތަރި މަލައިކާ އަރޯރާ ރާއްޖޭގައި ޗުއްޓީ ހޭދަކުރަމުން އެބަދެއެވެ. މީގެ ކުރިންވެސް މި ދެތަރިން އެކުގައި ވަނީ ޗުއްޓީގައި ރާއްޖެ އައިސްފައެވެ.
މި ދެތަރިން ޗުއްޓީ ހޭދަކުރަމުން ދަނީ ޕަޓީނާ މޯލްޑިވްސް ފަރި އައިލެންޑްސް ގައެވެ. އަގުބޮޑު ލަގްޒަރީ ހޮޓަލެއްގައި ދެ ތަރިން ޗުއްޓީ ހޭދަކުރަމުން އަންނައިރު މި ޗުއްޓީގެ މަންޒަރުތަށް ދެތަރިން ވެސް ދަނީ ސޯޝަލް މީިޑީއާ މެދުވެރިކޮށް ހިއްސާ ކުރަމުންނެވެ.
މަލައިކާ އާއި އަރުޖުން ލޯބީގެ ގޮތުން ގުޅިގެން އުޅޭކަން އިއުލާން ކޮށްފައިވާއިރު ދެތަރިންގެ އުމުރުގެ ތަފާތުގެ ސަބަބުން އަބަދުވެސް މީޑިއާގެ ފާޑުކިއުންތަށް އަމާޒުވެއެވެ. ބުނެވޭ ގޮތުގައި މަލައިކާ، އޭނާގެ 17 އަހަރުވީ ކައިވެނި ރޫޅާލީވެސް ޒުވާން ލޯބިވެރިޔާއަށް ޓަކައެވެ. އަރުޖުން އަކީ މަލައިކާއަށް ވުރެ 12 އަހަރު ހަގު މީހެކެވެ.
އެކުގައި ވަގުތު ހޭދަކުރުމާއި ޗުއްޓީ ހޭދަކުރުމަކީ މި ދެ ލޯބިވެރިން އާދަވެގެން ކުރަމުން އަންނަ ކަންކަމެއެވެ. އެގޮތުން ކޯވިޑްގެ ތެރޭގައި އަރުޖުން ދިރިއުޅެމުން އައީވެސް މަލައިކާ އާއެކު އޭނާގެ ގޭގައެވެ.
ރާއްޖެއަކީ ބޮލީވުޑްގެ ތަރިންގެ މެދުގައި ޗުއްޓީ ހޭދަކުރުމަށް ވަރަށް މަގުބޫލު މަންޒިލެކެވެ. އެގޮތުން ބޮލީވުޑްގެ ތަރި އިލިއާނާ ޑިކްރޫޒް ވެސް ވަނީ ދާދިފަހުން ރާއްޖޭގައި ޗުއްޓީ ހޭދަކޮށްފައެވެ. އޭނާ ޗުއްޓީ ހޭދަކުރީ ކުޑަ ވިލިނގިލި ރިސޯޓުގައެވެ.
އިލިއާނާ ވެސް ވަނީ ޗުއްޓީގެ ގިނަ ފޮޓޯތައް އިންސްޓަގްރާމްގައި ހިއްސާކޮށްފައެވެ
View this post on Instagram
އޭނާ ޗުއްޓީ ނިންމާލުމަށްފަހު ފުރާފައި ވަނީ އިއްޔެއެވެ.
