ރައިސް އިބްރާހީމް މުޙައްމަދު ޞާލިޙަށް ދެވަނަ ދައުރެއްގެ ފުރުޞަތު ޕްރައިމަރީއަކާއި ނުލައި ދެއްވަން ޖެހޭކަމަށް މޯލްޑިވްސް ޓްރޭޑް ޔޫނިއަންގެ ނާއިބު ރައީސް ސަައުދުﷲ އަހުމަދު ވިދާޅުވެއްޖެއެވެ.

ސަޢުދު މިހެން ވިދާޅުވެފައިމިވަނީ، ކުރިއަށް އޮތް 2023ގެ ރިޔާސީ އިންތިޚާބުގައި އެމްޑީޕީގެ ރިޔާސީ ޓިކެޓްގައި ވާދަ ކުރާނެ ބޭފުޅަކު ކަނޑައަޅާނީ އެމްޑީޕީގެ އެތެރޭގައި ބޭއްވޭ ޕްރައިމަރީއަކުން ކަމުގައި އެމްޑީޕީގެ ރައީސް މުހައްމަދު ނަޝީދު ވިދާޅުވެފައިވަނިކޮށެވެ.

ސަޢުދު ކުރެއްވި ޓްވީޓެއްގައި ވިދާޅުވީ، 2023 ވަނަ އަހަރުގެ ރައީސް އިބްރާހީމް މުޙައްމަދު ޞާލިޙަށް ދެވަނަ ފުރުޞަތެއް ދީގެން މެނުވީ ކޯލިޝަނަށް ހިންދެމިނުލެވޭނެކަމަށެވެ. އަދި ޕްރައިމަރީއަކާއި ނުލައި ރައީސް ޞަލިހަށް ދެވަނަ ފުރުޞަތެއް ދެއްވަންޖެހޭކަމަށާއި، ޑިމޮކްރަސީ ދަންނަ ރީތި ގޮތަކީ ވެރިކަމުގައި ހުރި ފަރާތަށް އެމީހާ ނިސްބަތްވާ ޕާޓީން އެ ފުރުޞަތު ދިނުންކަމަށްވެސް ސަޢުދު ވިދާޅުވިއެވެ.

2023 aharu Raees @ibusolih dhavana furusatheh dheegen menuvee Coalition akah hindhamaa nuleveyne.primary akaa nulaa dhavana furusatheh dheyn jehey.democracy dhahna reethi gothakee verikamuge huri faraathah emeehaa nisbahvaa party in furusath dhinun.@KhabaruOnline @cnm_mv

— Saudulla Ahmed (@saudullaahmed1) December 4, 2021

ސަޢުދު މިހެން ވިދާޅުވެފައިވާއިރު، އާސްކް ސްޕީކާ ޕްރޮގުރާމުގައި ވާހަކަ ދައްކަވަމުން ރައީސް ނަޝީދު ވިދާޅުވީ 2023ގެ ރިޔާސީ އިންތިޚާބުގައި އެމްޑީޕީގެ ރިޔާސީ ޓިކެޓްގައި ވާދަ ކުރާނެ ބޭފުޅަކު ކަނޑައަޅާނީ އެމްޑީޕީގެ އެތެރޭގައި ބޭއްވޭ ޕްރައިމަރީއަކުން ކަމަށެވެ. ޝީދު ވިދާޅުވީ އެމްޑީޕީގެ ރިޔާސީ ޓިކެޓަކީ އަބަދުވެސް ވާދަވެރި ކަމާއިއެކު ވާދަކޮށް، އެތެރޭގެ އިންތިޚާބަކުން ކަނޑައަޅާ ޓިކެޓެއްކަމަށެވެ. ނަމަވެސް އެންމެ ބޮޑަށް އުންމީދު ކުރައްވަނީ 2023ގެ ކުރިން ވެރިކަމުގެ ނިޒާމު ބަދަލުވުންކަމަށް ނަޝީދު ވިދާޅުވިއެވެ.

ރައީސް ނަޝީދު މިފަދައިން ވިދާޅުވިއިރު އެމްޑީޕީގެ ތެރެއިން ރައީސް ޞާލިހަށް ޕްރައިމަރީއަކާއި ނުލައި ރިޔާސީ ޓިކެޓް ދިނުމަށް މަސައްކަތް ކުރަމުންދާކަމަށް ދަނީ ތުހުމަތު ކުރަމުންނެވެ. އަދި މިހާރު އެމްޑީޕީގެ ގައުމީ މަޖިލިސްއާއި، ރައްޔިތުންގެ މަޖިލިސްގެ މެޖޯރިޓީވެސް ކޮންޓްރޯލް ކުރައްވަނީ ރައީސް ޞާލިހުއެވެ.