އިސްލާމީ މަރުކަޒަށްވަދެ ނަމާދަށް ހުއްޓާ އިމާމު މީހާގެ ކުރިމައްޗަށް ކުޑަކަމުދިޔަ މީހާ އެއްމަސް ދުވަހަށް ޖަލަށް ލުމަށް ޙުކުމްކޮށްފިއެވެ.

ކުށް ސާބިތުގެ އެއް މަސް ދުވަހަށް ޖަލަށް ލުމަށް ހުކުމްކޮށްފައިވަނީ، މ.ޝޭޑީ ހޯމް ޢުމުރުން 40 އަހަރުގެ ޙަސަން ޒިޔާދެވެ. އޭނާ ވަނީ އިސްލާމީ މަރުކަޒަށާއި, އިބްރާހިމް އިސްކަންދަރު މިސްކިތަށާއި, ރައީސް އޮފީހުގެ ގޭޓު ކައިރިއަށް ކުޑަމަގޮސްފައެވެ.

މި މައްސަލާގައި އޭނަ ހައްޔަރުކޮށް އޭނާގެ މައްޗަށް އުފުލާފައިވަނީ ޢާންމު މަސްްލަހަތަށް ގެއްލުންހުރި ޢަމަލެއް ކުރުމުގެ ކުށުގެ ދަޢުވާއެވެ. މިގޮތުން އޭނާގެ މައްޗަށް އުފުލި ދަޢުވާގައި ވަނީ، އޮކްޓޫބަރުމަހުގެ 03 ވަނަ ދުވަހުގެ މަޣްރިބް ނަމާދު ވަގުތު އިސްލާމީ މަރުކަޒަށް ވަދެ, ނަމާދުކުރަން ތިބި މީހުން ކުރިމަތިން ލައިފައި ގޮސް, އިމާމު މީހާާގެ ކުރިމަތީގައި ހުންނަ މިހްރާބުގެއާއި ހަމައިން ޤިބްލައަށް ކުރިމަތިލައިގެން ކޮޅަށްހުރެ, ކުޑަކަމު ގޮސްފައިވާ ކަމަށެވެ.

މި ދަޢުވާއަށް އޭނާ ވަނީ އިޢުތިރާފުވެފައެވެ.

އެހެންކަމުން ޢާންމު މަސްްލަހަތަށް ގެއްލުންހުރި ޢަމަލެއް ކުރުމުގެ ކުށުގެ ދަޢުވާ ޒިޔާދުގެ މައްޗަށް ސާބިތުވާކަމަށް ނިންމައި 01 މަހާއި 06 ދުވަހަށް އޭނާ ޖަލަށްލުމަށް ކްރިމިަންލ ކޯޓުން މިއަދު ވަނީ ޙުކުމްކޮށްފައެވެ.

އޭނާ މިސްކިތާއި ބައެއް ތަންތަނަށް ކުޑަކަމު ގޮސްފައިވާއިރު، މިދިޔަ މަހުގެ 7 ވަނަ ދުވަހު އޭނާ ވަނީ ޢަޞުރު ނަމާދަށްފަހު އޭނަ ވަނީ އިސްކަންދަރު މިސްކިތު އޮތް ޚަތިމަކަށް ކުޅު ޖަހާފައެވެ.