ވިލިމާލެ ފަޅުގައި ޤަވާއިދާ ޚިލާފަށް ބާއްވާފައިވާ 12 އުޅަނދަކަށް މާލެ ސިޓީ ކައުންސިލުން ޖޫރިމަނާ ކޮށްފިއެވެ.
ކައުންސިލުން ބުނީ، މި ފިޔަވަޅު އަޅާފައިވަނީ ހުއްދަ ހޯދައިގެން ފަޅު ބޭނުންކުރާ ފަރާތްތަކަށް ދަތިވާ ގޮތަށް އުސޫލުތަކާ ޚިލާފަށް ބާއްވާފައިވާ އުޅަނދުތަކަށް ކަމަށެވެ. ފަޅުތެރެ ތަރުތީބުކޮށް، ހުއްދަ ނެތި ފަޅު ބޭނުންކުރާ އުޅަނދުތައް މަދުކުރުމަށް ކައުންސިލުން ކުރަމުންދާ މަސައްކަތުގެ ބައެއްގެ ގޮތުގައި މި ފިޔަވަޅު އަޅާފައިވާއިރު، ވިލިމާލެ ފަޅަކީ ސިޓީ ކައުންސިލުގެ ބެލުމުގެ ދަށުގައި ބަލަހައްޓަމުން އަންނަ ސަރަޙައްދެކެވެ.
ފަޅު ބޭނުންކުރުމުގައި ކަނޑައެޅިފައިވާ ޤަވާއިދުތަކަށް ހުރިހާ ފަރާތްތަކުން ވެސް ޢަމަލުކުރުމަށް ކައުންސިލުން އެދިފައިވާއިރު، ޤަވާއިދާ ޚިލާފަށް ހުންނަ އުޅަނދުތަކާމެދު ކުރިއަށް އޮތް ތަނުގައި ވެސް ފިޔަވަޅު އަޅަމުންދާނެ ކަމަށް ކައުންސިލުން ބުނެފައިވެއެވެ.
ކޮމެންޓު ފޮނުވާ