ބަންގްލަދޭޝްގެ އެހީތެރިކަމާއެކު ދިވެހި ފުލުހުންނަށް ފަންނީ ތަމްރީނު ހޯދައިދީ، ފުލުހުންގެ ގާބިލުކަން ކުރިއެރުވުމުގެ ފުރުސަތުތައް ފުޅާކުރުމަށް ދެ ގައުމުން މަޝްވަރާކޮށްފިއެވެ.
ރާއްޖެއަށް ކަނޑައަޅުއްވާފައިވާ ބަންގްލަދޭޝްގެ ސަފީރު ޑރ. އެމްޑީ ނަޒްމުލް އިސްލާމް، މިއަދު ޕޮލިސް ކޮމިޝަނަރު އަޙްމަދު މުޙައްމަދުގެ އަރިހަށް ކުރެއްވި އިޙްތިރާމުގެ ޒިޔާރަތުގައި، ދެ ގައުމުގެ ފުލުހުންގެ މުއައްސަސާތަކުގެ ގުޅުން އިތުރަށް ވަރުގަދަކުރުމާއި ދިވެހި ފުލުހުންނަށް ތަމްރީނުގެ ފުރުސަތުތައް ފަހިކޮށްދިނުމާ ބެހޭގޮތުން ދެ ބޭފުޅުން ވާހަކަ ދެއްކެވިއެވެ.
ބައްދަލުވުމުގައި ކޮމިޝަނަރު، ރާއްޖެއާއި ބަންގްލަދޭޝްއާ ދެމެދު ދުވަސްވީ ގާތް ރައްޓެހިކަމާއި ދެ ގައުމު ގުޅިގެން ކުރަމުން އަންނަ މަސައްކަތް ފާހަގަކުރެއްވިއެވެ.
ފުލުހުންގެ ގާބިލުކަން އިތުރުކުރުމަށް މިދިޔަ ޖުލައި މަހު ޗައިނާއާއި ސައުދީ އަރަބިއްޔާއާ ވެސް ފުލުހުން މަޝްވަރާކޮށްފައިވެއެވެ.
ކޮމެންޓު ފޮނުވާ