އެމްޓީސީސީން މަސައްކަތް ކުރިއަށް ގެންދާ ށ.ފޭދޫ ބަނދަރު މަސައްކަތުގެ ހާބަރ ބޭސިން ފުންކުރުމުގެ މަސައްކަތް ނިމުމަކާއި ގާތަށް ގޮސްފިއެވެ.
އެމްޓީސީސީން މިއަދު ބުނެފައިވަނީ ފޭދޫ ބަނދަރު ފުންކުރުމުގެ މަސައްކަތުގައި ބާރު ސްޕީޑުގައި ކުރިއަށްދާކަމަށެވެ. އަދި މިހާރު ކުރަމުންދާ މަސައްކަތްތަކުގެ ތެރެއިން ހާބަރ ބޭސިން ފުންކުރުމުގެ މަސައްކަތުގެ 98 އިންސައްތަ މަސައްކަތް ނިމިފައިވާކަމަށެވެ.
ށ. ފޭދޫ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، ހާބަރ ބޭސިން ފުންކުރުމުގެ މަސައްކަތުގެ 98 ޕަސެންޓް ވަނީ ނިމިފައި.#MTCCProjects #RayyithungeKunfuni pic.twitter.com/vXkzUbEavx
— MTCC Plc (@MTCCPlc) November 21, 2021
ށ.ފޭދޫގައި ކުރިއަށްގެންދާ މި މަސައްކަތަކީ ރަށުގެ ބަނދަރަށް ޖާގަ އިތުރުކުރުމަށް ކުރިއަށްގެންދާ މަސައްކަތެކެވެ. މިމަސައްކަތުގެ ދަށުން އެރަށު ބަނދަރަށް 380 ފޫޓު އިތުރުކުރުމަށް ވަނީ ހަމަޖެހިފައެވެ. އަދި ނެރާއި، ބަނދަރު ފުންކުރުމުގެ މަސައްކަތަށް 27500 ކިއުބިކް މީޓަރުގެ ސަރަޙައްދު ފުންކުރުމަށް ވަނީ ހަމަޖެހިފައެވެ. މީގެއިތުރަށް 378 މިޓަރުގެ ބޭރު ތޮއްޓެއްލުމާއި 90 މީޓަރުގެ ސަރަޙައްދުގައި ރިވެޓްމަންޓް ޖެހުމަށްވަނީ ހިމަނާފައެވެ.
ފޭދޫ ބަނދަރު ހަދަނީ ޒަމާނީ ބަނދަރެއްގެ ގޮތުގައެވެ. ބަނދަރުގެ މަސައްކަތް ނިމޭއިރު ޕޭމަންޓް ލުމާއި، ނެރު ބައްތިއާއި އަދި ބަނދަރު ބައްތި ޖެހުމަށްވެސް ވަނީ ހަމަޖެހިފައެވެ.
މި މަޝްރޫޢުއަކީ ސަރުކާރުން 33.1 މިލިއަން ރުފިޔާ ޚަރަދުކޮށްގެން ކުރިއަށްގެންދާ މަޝްރޫޢުއެކެވެ.
