ބޮލީވުޑްގެ ރީތީގެ ރަނީ އައިޝްވާރިޔާ ރާއީ އާއި ފިރިމީހާ އެކްޓަރ އަބިޝެކް ބައްޗަން އަދި އެ ދެމީހުންގެ ހަމައެކަނި ދަރިފުޅު އާރަދްޔާ ރާއްޖޭގައި ޗުއްޓީ ހޭދަކުރަމުންއެބަދެއެވެ.
މީގެ ކުރިން ވެސް މިއާއިލާ އިން ވަނީ ރާއްޖޭގައި ޗުއްޓީ ހޭދަކޮށްފައެވެ.
ރާއްޖެ އަކީ ބޮލީވުޑްގެ ތަރިން އެންމެ ގިނައިން ޗުއްޓީ ހޭދަކުރާ މަންޒިލްކަމުގައި ބުނުމަކީ ދޮގަކަށް ނުވާނެއެވެ. ބޮލީވުޑްގެ އޭ ލިސްޓްގެ ގިނަތަރިންނާއި އެނޫންވެސް ފަންނާނުން ރާއްޖޭގައި ޗޫއްޓީ ހޭދަކުރުން ކޯވިޑް 19 އަށް ފަހު ވަރަށް ބޮޑަށް އިތުރުވެގެންދިޔައެވެ.
އައިޝްވާރިޔާގެ އާއިލާ އިން ޗުއްޓީ ހޭދަކުރަމުން ދަނީ އަމިއްލަ މޯލްޑިވްސް ރިސޯޓް އެންޑް ރެސިޑެންސްގައެވެ.
View this post on Instagram
އޭނާ ޗުއްޓީއަށް އައިސް ވަނީ ރާއްޖޭގެ ރީތި މާހައުލު ދައްކުވައިދޭ ހިތްގައިމު ފޮޓޯއެއް އިންސްޓަގްރާމް މެދުވެރިކޮށް ފޭނުންނާ ހިއްސާކޮށްފައެވެ. މީގެ އިތުރުން އަބީޝެކް ވެސް ވަނީ އަމިއްލަ ފުށީގެ ރީތި މަންޒަރުތައް އިންސްޓަގްރާމް ޕޯސްޓަކުންނާއި ސްޓޯރީން ފޭނުންނާ ހިއްސާކޮށްފައެވެ.
އައިޝްވާރިޔާގެ ކުރިއަށް އޮތް ފިލްމް އަކީ ހިސްޓޯރިކަލް ފިކްޝަން ފިލްމް "ޕޮނިޔިން ސެލްވަން" އެވެ.
