އދ.ދަނގެތީގައި މރާލާފައި ގޯންޏަކަށްލައި ވަޅަކަށް ވައްޓާލާފައި އޮއްވާ ފެނުނު މީހާގެ މަރުގެ މައްސަލާގައި ފުރިހަމަ ތަހުގީގެއް ހިންގުމަށް މާފަންނު އުތުރު ދާއިރާގެ އެމްޑީޕީ މެންބަރު އިމްތިޔާޒް ފަހުމީ (އިންތި) ގޮވާލައްވައިފިއެވެ.
އދ.ދަނގެތީގައި މީހަކު މަރާލާފައި އޮއްވާ ފެނިފައިވަނީ ޢުމުރުން 55 އަހަރުގެ އެރަށު ވިޔަފާރިވެރިއެއްކަމަށްވާ މޮނަލާޒު, މަހުމޫދު އަބޫބަކުރެވެ.
މިކަމާއި ގުޅިގެން އިންތި ވިދާޅުވީ، ގިނަ މައުސޫމު ރައްޔިތުން އުޅޭ ރަށްރަށުން ވެސް މިކަހަލަ ބިރުވެރި ޚަބަރުލިބުމަކީ ވަރަށް ބޮޑު މައްސަލައެއްކަމަށެވެ. އޭނާ ވަނީ ޤާނޫނީ ބާގަނޑެއް ނުހިމެނޭގޮތުން ފުރިހަމަ ޖިނާޢީ ތަޙްޤީޤެއް ހިންގައި މުޖުރިމުން ޝަރީޢަތުގެ ކުރިމައްޗަށް އަވަސް ފުރުސަތެއްގައި ގެނެވޭނޭކަމަށް އުއްމީދުކުރައްވާކަމަށް ވިދާޅުވެފައެވެ.
ރޭ އޮތް މެޗް ބެލުމަށްފަހު މަހުމޫދު އބޫބަކުރު ގެއިން ބޭރަށް ދިޔަގޮތަށް އޭނާގެ ޚަބަރެއް ވެފައިނުވާތީ އޭނާ ހޯދުމުގެ މަސައްކަތް ކުރަމުން ދަނިކޮށް ފެނުނީ އޭނާ މަރާލާފައި އޮއްވައެވެ. މިގޮތުން ފުލުހުންނާއި އަދި އެމްއެންޑީއެފްގެ އެހީތެރިކަމާއެކު އޭނާ ހޯދުމުގެ މަސައްކަތް ފަށާފައިވަނީ މިއަދު ހެނދުނުއެވެ. މިމަސައްކަތުގައި އެރަށުގެ ފަޅާއި ރަށު ތެރެވެސް ބަލާ ފާސްކޮށްފައި ވެއެވެ.
މައުލޫމާތު ލިބިފައިވާ ގޮތުގައި މަރާލާފައި އޭނާ އެއްލާލާފައި އޮތީ ވަޅަކަށެވެ. އަދި އޭނާވަޅަށް ވައްޓާލާފައި އޮތްއިރު، އޭނާގެ ބޮލަށާއި ދެފަޔަށް ސުތުލި ގޯންޏެއް އެރުވުމަށްފަހު ކަމަށްވެސް އަރަށުން ވާހަކަ ދެއްކި ބައެއް ފަރާތްތަކުން މައުލޫމާތު ދީފައި ވެއެވެ.
މިމައްސަލާގައި މިހާތަނަށް އެއްވެސްމީހަކު އަދި ހައްޔަރު ކޮށްފައި ނުވާކަމަށް ފުލުހުން ބުނެފައިވި ނަމަވެސް، އެރަށުން ވާހަކަ ދެއްކި ބައެއް މީހުން ބުނެފައިވާ ގޮތުގައި އޭނާ މަރާލުމުގައި ބައިވެރިވެފައިވާ ކަމަށް ތުހުމަތުކުރެވޭ ދެމީހަކު އެރަށުގެ ރައްޔިތުންވަނީ ފުލުހުންނާ ހަވާލުކޮށްފައެވެ. އެހެންނަމަވެސް އެއީ ކޮން ދެމީހަކު ކަމެއް އަދި ސާފުވެފައެއް ނުވެއެވެ.
މަހުމޫދަކީ އެރަށުގައި ކެފޭއެއް ހިންގަމުން އަންނަ ވިޔަފާރިވެރި އެކެވެ. އޭނާގެ ތިން ދަރިންނާއި އަތްނބަކު އެބަ ހުއްޓެވެ.
One Response
ޢިންތިވެސް މޮޅުވާހަކަދައްކާނެކަމެއްނެތް ތިޔަގޮތަށް ވާހަކަދައްކުވާނަމަ މަރަށްމަރުހިފަން ްާނޫނުފާސްކުރޭ