ޓްރާންސްޕޯޓް މިނިސްޓަރ އައިޝަތު ނަހުލާގެ އިތުބާރު ނެތްކަމުގެ ވޯޓު ރައްޔިތުންގެ މަޖިލީހަށް ވައްދާނެކަމަށް އައްޑޫ ފޭދޫ ދާއިރާގެ މެންބަރު މުޙައްމަދު ނިހާރު ވިދާޅުވެއްޖެއެވެ.

ދައުލަތުގެ މީޑިއާ. ދިވެހިރާއްޖޭގެ އަޑުން ރޭ ގެނެސްދިން "އަހާށޭ ބުނާނަން" ޕްރޮގްރާމްގައި ވާހަކަފުޅު ދައްކަވަމުން ނިހާދު ވިދާޅުވީ، ޓްރާންސްޕޯޓު މިނިސްޓްރީގެ ސަބަބުން މި ސަރުކާރާމެދު ރައްޔިތުން ހިތްނުތަނަވަސްކަން އިތުރުވެފައިވާކަމަށެވެ. ނިހާދު ވިދާޅުވީ ލައިސަންސާ، ވެހިކަލް ރަޖިސްޓްރީ ކުރުންފަދަ ކަންކަމަށް އެދިގެން ރައްޔިތުންނަށް ތަކުލީފު އުފުލަންޖެހިފައިވާ ކަމަށާއި، ޓްރާންސްޕޯޓު މިނިސްޓީގެ ޝަކުވާތައް އިންތިހާއަށް ރައްޔިތުން ކުރަމުން އަންނަކަމަށެވެ. މިކަންކަން ހައްލު ނުކޮށްދެވޭނަމަ ޓްރާންސްޕޯޓު މިނިސްޓަރު އެ މަޤާމުގައި ހުރުމުގެ ބޭނުމެއް ނެތްކަމަށްވެސް ނިހާދު ވިދާޅުވިއެވެ. ނިހާދު ވިދާޅުވީ، ޓްރާންސްޕޯޓު މިނިސްޓްރީގެ އޮޑިޓެއް ހެދުމުގެ މަސައްކަތް ކުރިއަށް ދާކަމަށާއި، އޮޑިޓަށްފަހު ޓްރާންސްޕޯޓު މިނިސްޓަރު އައިޝަތު ނަހުލާގެ އިތުބާރު ނެތްކަމަށް މަޖިލީހުގައި ވޯޓު ނަގާނެކަމަށް ނިހާދު ވަނީ ވިދާޅުވެފައެވެ.

ލައިސަންސްވެސް އަވައްޓެރީންނަށް އިމްތިޙާނަކާ ނުލައި ހިލޭ، ދިވެހިންނަށް އޮތީ ގަނަތެޅުން!

ނިހާދު ވަނީ ހެލްތު މިނިސްޓަރަށްވެސް ފާޑުވިދާޅުވެފައެވެ. އޭނާ ވިދާޅުވީ، މިނިސްޓްރީތަކުގެ ތެރެއިން ހިންގުން އެންމެ ބޮޑަށް ރަނގަޅު ކުރަންޖެހިފައިވަނީ ހެލްތު މިނިސްޓްރީއާ ޓްރާންސްޕޯޓު މިނިސްޓްރީކަމަށެވެ. އައްޑޫ އިކިއޮޓޯރިއަލް ހޮސްޕިޓަލުގެ މައްސަލަތައް އިންތިހާއަށް އިތުރުވެފައިވާ ކަމަށާއި އެތަނުގެ ސީ.އީ.އޯއާ ބައްދަލުނުކުރެވިގެން ޑިޕާޓްމަންޓުތަކުގެ ވެރިން އެތައް ދުވަހެއްވަންދެން މަޑުކޮށްގެން ތިބެންޖެހޭކަމަށްވެސް ނިހާދު ވިދާޅުވިއެވެ.

ނިހާދުގެ ފާޑުކިޔުން ޓްރާސްޕޯޓަށް އަމާޒުކުރައްވާފައިވާއިރު، ޓްރާންސްޕޯޓްގެ ޚިދުމަތް ހޯދުމުގައި ދިވެހިންނަށް ތަކްލީފް އުފުލަން ޖެހިފައިވާކަމުގެ ޝަކުވާ ވަނީ އިތުރުވެފައެވެ.