އައިޝްވާރިޔާ ރާއީގެ ކުޑަ ކުޑަ އާއިލާ މިދިއަ އާދިއްތަ ދުވަހު ވަނީ އެއާޕޯޓް ތެރެއިން ފެނިފައެވެ. އަދި ނޫސްތަކުގައި އެ އާއިލާއިން ޗުއްޓީ ހޭދަކުރުމަށް ދާކަމަށް ވަނީ ރިޕޯޓްކޮށްފައެވެ.
ނަމަވެސް މި ދަތުރަކީ އައިޝްވާރިޔާ ޕެރިސް ފެޝަން ވީކް ގައި ބައިވެރި ވުަމަށް ކުރި ދަތުރެކެވެ. ދަތުރުގައި އަބިޝޭކާއި އެދެމީހުންގެ ދަރިފުޅު އާރަދްޔާ ވެސް ބައިވެރިވިއެވެ.
އައިޝްވަރްޔާ ވަނީ ޕެރިސް ފެޝަން ވީކުގައި ހުސް ހުދުކުލައިގެ ހެދުމެއްގައި ރޭމްޕް ވޯކްގައި ބައިވެރިވެފައެވެ. މި ހެދުމުގައި އޭނާ ފެނިގެން ގޮސްފައިވަނީ ވަރަށް ވެސް ޖާދުވީ ގޮތަކަށެވެ. މި ޝޯގައި އައިޝްވާރިޔާ ތަމްސީލު ކުރީ ލޯރިއަލްއެވެ.
މިފަހަރުގެ ޕެރިސް ފެޝަން ވީކުގައި މޮޑެލުން ރޭމްޕްގައި ހިނގިއިރު ފަހަތުން އެފިލް ޓަވަރު ފެންނަގޮތަށް ހުއްޓެވެ. މި އަހަރުގެ ފެޝަންވީކުގެ ޝިއާރަކީ އަންހެނުން ބާރުވެރި ކުރުމުވުމެވެ.
އައިޝްވާރިޔާގެ އިތުރުން މި އިވެންޓުގައި އެކްޓަރ ހެލަން މިރެން، ކެތަރިން ލޭންގްފޯޑް، އެމްބާ ހާޑް އަދި ލަވަކިއުން ތެރިއާ ކެމިލާ ހެބޭލޯ އާއި މިނޫންވެސް ސެލެބްރިޓީން ވަނީ ބައިވެރިވެފައެވެ.
