މަލާވީގެ ގާނޫނުހަދާ މަޖިލިހުގެ ކުރީގެ ނާއިބު ރައީސް އެގައުމުގެ ގާނޫނުހަދާ މަޖިލިހުގެ ތެރޭގައި ހުންނަވާ، އަމިއްލަ ގަޔަށް ބަޑިޖަހާ މަރުވެއްޖެ ކަމަށް އެގައުމުގެ ރަސްމީ އިދާރާތަކުން ހާމަ ކޮށްފިއެވެ.
މަލާވީގެ ރަސްމީ އިދާރާތަކުން ހާމަ ކޮށްފައިވާ ގޮތުގައި، ގާނޫނުހަދާ މަޖިލިހުގެ ކުރީގެ ނާއިބުރައީސް ކްލެމެންޓް ޗިވާޔާ މި މި ހަފްތާގެ ބުރާސްފަތި ދިވަހު މަޖިލިސްކުރާ އިމާރާތަށް ގޮސްފައިވަނީ، އޭނާ މީގެ ދެ އަހަރުކުރިން މަގާމުން ވަކިވެ ވަޑައިގަތުމަށްފަހު އޭނާއަށް ލިބެންޖެހޭ އެއްގަމު އުޅަދުގެ އިނާޔަތްތަކާ ގުޅޭގޮތުން މަޝްވަރާ ކުރުމަށްޓަކައެވެ.
"ވަރަށް ހިތާމައާއިއެކު ދަންނަވަން، ގާނޫނު ހަދާ މަޖިލިހުގެ ކުރީގެ ނާއިބު ރައީސް ވަނީ، ގާނޫނުހަދާ މަޖިލިހުގެ ތެރޭގައި ހުންނަވާ އަމިއްލައަށް މަރުވެފަ،" މަލާވީގެ ގާނޫނުހަދާ މަޖިލިހުން ނެރުނު ބަޔާނެއްގައި ބުނެފައި ވެއެވެ.
"މި ހާދިސާ ހިގާފައިވަނީ، ގާނޫނުހަދާ މަޖިލިހުން އޭނާއަށް ފޯރުކޮށްދެމުން އައި ޚިދުމަތްތަކާމެދު އޭނާ ހިންހަމަ ނުޖެހިގެން އުފެދުނު ޚިޔާލު ތަފާތު ވުމެއްގައި."
Former deputy Speaker of #Malawi Parliament and seasoned politician Clement Chiwaya shoot himself dead at Parliament following frustrations with his vehicle scheme entitlement. Turning, turning in the widening gyre, the centre cannot hold…. pic.twitter.com/kNE0F6vWnq
— Jack McBrams (@mcbrams) September 30, 2021
އުމުރުން 50 އަހަރުގެ ޗިވާޔާ އޭނާގެ ކާރު ގަނެފައިވަނީ، ގާނޫނުހަދާ މަޖިލީހުގައި އޭނާ ހޭދަކުރި 5 އަަހަރު ނިމުނު އަހަރު، 2019ވަނަ އަހަރު އެވެ. އެހެންނަމަވެސް އޭނާވަނީ، އޭގެ 6 މަސްފަހުން ވީ އެކްސިޑެންޓެއްގައި ލިބުނު ގެއްލުމަކަށް، ގާނޫނުހަދާ މަޖިލިހުން ފައިސާ ދެއްކުމަށް ޑިމާންޑް ކޮށްފައެވެ.
"އޮނަރަބަލް ޗިވާޔާ ބައްލަވައިގެންނެވި ކާރު ދުއްވަނިކޮށް ވަނީ އެކްސިޑެންޓެއްވެފަ. އެހެންނަމަވެސް، އެކްސިޑެންޓް ވީއިރު، ނަގާފައިވާ އިންސޫރެންސްގެ މުއްދަތުވަނީ ހަމަވެފަ،" ގާނޫނުހަދާ މަޖިލިހުން ނެރެފައިވާ ބަޔާނުގައި ބުނެފައިވެއެވެ.
މިހާދިސާ ހިގާފައިވާކަން، ފުލުހުންގެ ތަރުޖަމާން ޖޭމްސް ކަޑާޑްޒޭރާ ވަނީ ޔަގިން ކޮށްދީފައެވެ. އެހެންނަމަވެސް، މިހާރު ހިގަމުންދަނީ ތަހުގީގު އެންމެ ފަހުގެ ރިޕޯޓު ނުލިބެނީސް މިހާދިސާއާއި ގުޅޭގޮތުން އެއްވެސް ކޮމެންޓެއް ކުރުމަށް އޭނާވަނީ ދެކޮޅު ހައްދަވާފައެވެ.
ބައެއް މީޑިއާތަކުން ހާމަކޮށްފައިވާ ގޮތުގައި، މަލާވީގެ ގާނޫނުހަދާ މަޖިލިހުން ނެރެފައިވާ ބަޔާނުުން ދޭހަވާ ގޮތުގައި ޗިވާޔާވަނީ، ސަލާމަތީ ފިޔަވަޅުތައް ވަރުގަދަ، ގާނޫނުހަދާ މަޖިލިހުގެ އިމާރާތުގެ ތެރެއަށް ސިއްރިޔާތުގައި ބަޑިއެއް އެތެރެ ކޮށްފައެވެ.
"ޗިވާޔާއަކީ ނުކުޅެދޭ މީހަކަށް ވުމާއިއެކު، (ފުރޮޅުލީ ގޮޑީގައި އިންނަ މީހެއް) ބެލެވުނީ ސެކިއުރިޓީ ސްކޭނަރއިން އެލާމްކޮށްފައިވަނީ ފުުރޮޅުލީ ގޮޑީގެ ސަބަބުންކަމަށް،" ގާޏޫނުހަދާ މަޖިލިހުގެ ބަޔާނުގައި ވެއެވެ.
"މި ހާދިސާއަށްފަހު، ގިންތިއެއްގެ މީހުންވެސް މަޖިލިސް އިމާރާތަށް ވަދެނިކުމެ އުޅުމުގައި މިއަށްވުރެ ބޮޑަށް ސެކިއުރިޓީ ވަރުގަދަ ކުރާނެ."
މަޖިލިސްކުރާ ގޭގެ ބައެއް ފަރާތްތަކުން އޭއެފްޕީއަށް މައުލޫމާތު ދީފައިވާ ގޮތުގައި ޗިވާޔާ މަރުވެފައިވަނީ، މަޖިލިސް ކުރާ އިމާރާތުގެ ކްލާކްގެ އޮފީހުގެ އެތެރޭގައި ހުންނަވާ އަމިއްލައަށް ބޮލަށް ބަޑި ޖަހައިގެންނެވެ.
މަލާވީގެ ގާނޫނުހަދާ މަޖިލިހުގެ ނާއިބު ރައީސްކަމަށް ވަޑައިގެންނެވުމުގެ ކުރިން ގާނުނުހަދާ މަޖިލިގެ މެމްބަރެއްގެ ގޮތުގައިވެސް 2004އިން ފެށިގެން އޭނާވަނީ ހުންނަވާފައެވެ.
