އަރަމުން އަންނަ ބޮލީވުޑް އެކްޓަރު އިޝާން ޚައްޓަރުގެ ކުރިއަށް އޮތް ފިލްމް "ޕިއްޕާ" ގެ ޝޫޓިންގ ފަށައިފިއެވެ.
ވަތަނީ، ބައޯޕިކަލް އަދި ހަނގުރާމަމަތީ ފިލްމް ތަކަށް ލިބެމުންދާ ބޮޑު ތަރުހީބާއެކު ބޮލީވުޑްގައި މިފަދަ ފިލްމުތަށް އުފައްދާ މިންވަރު ވަނީ ވަރަށް ބޮޑުތަން އިތުރު ވެފައެއެވެ.
"ޕިއްޕާ" އަކީ ބްރިގޭޑިއާ ބަލްރާމް ސިންގް މެހެތާގެ ވާހަކަ ކިޔައިދޭ ފިލްމެކެވެ. މީ 1971 ވަނަ އަހަރު ޕާކިސްތާނާއި އިންޑިއާއާ ދެމެދު ކުރި ހަނގުރާމައިގެ ތެރޭގައި ހިނގައިދިޔަ ކަންކަން ދައްކުވައިދޭނެ ފިލްމެކެވެ.
އިޝާން ގެ ފިލްމް ގެ ޝޫޓިންގ ފެށިއިރު ވަނީ ފިލްމްގެ ފަސްޓް ލުކް ޕޯސްޓަރުވެސް ދައްކާލައިފައެވެ. މި ޕޯސްޓަރު ވަނީ އިޝާން އޭނާގެ އިންސްޓަގްރާމްގައި ވެސް ހިއްސާކޮށްފައެވެ.
މި ފިލްމްގެ ޑައިރެކްޓަރަކީ ރާޖާ ކްރިޝްނާ މެނަންއެވެ. އަދި ޕްރޮޑިއުސަރަކީ ރޯނީ ސްކްރޫވާލާއެވެ. އިޝާނާއެކު މި ފިލްމުން ބަތަލާގެ ރޯލުން މުރުނާލް ޓާކުރް ވެސް ފެނިގެން ދާނެއެވެ.
ކޮމެންޓު ފޮނުވާ