ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ވެރިކަމުގެ ފަސް އަހަރަކީ ދިވެހި ރައްޔިތުންގެ ޒަރޫރީ ބޭނުންތައް ފުދިގެންދާ ފަސް އަހަރުކަމަށް މޯލްޑިވްސް ޓްރޭޑް ޔޫނިއަންގެ ނާއިބު ރައީސް ސައުދުﷲ އަހުމަދު ވިދާޅުވެއްޖެއެވެ.
ސައުދުﷲ ވިދާޅުވީ، ތަރައްޤީ ފެށޭނީ އަސާސީ ބޭނުންތައް ހަމަޔަށް ލިބިގެންކަމަށެވެ. ރައީސް ޞާލިޙް ވެރިކަމުގެ ފެނިގެން ދަނީ ރާއްޖެތެރޭ ރައްޔިތުންނަށް އަޅަނުލާ އޮތް އޮތުން ނިމުމަކަށް ގެނައިތަންކަމަށްވެސް ސައުދު ވިދާޅުވިއެވެ.
ހިނގަމުން މިދާ ވެރިކަމުގެ ފަސް އަހަރަކީ ދިވެހި ރައްޔިތުންގެ ޒަރޫރީ ގިނަކަންތައް ލިބިގެންދާ ފަސް އަހަރު. ތަރައްޤީ ފެއްޓީ ބޭސިކް ނީޑްސް ހަމަޔަށް ލިބިގެން. ރައީސް ޞާލިޙް ވެރިކަމުގެ ފެނިގެން މިދަނީ ރާއްޖެތެރޭ ރައްޔިތުންނަށް އަޅަނުލާ އޮތް އޮތުން ނިމުމަކަށް ގެނައިތަން.
– ސައުދުﷲ އަހުމަދު
Higamun midhaa verikamuge 5aharakee dhivehi rahyithun ge zarooree ginaknthah hallu libigen dhaa 5aharu.Tharaqqee fehtenee basic needs hamayah libigen.@ibusolih verikamuge fenigen midhanee rajjetherey rahyithunaa alhaa nulaa oih othun nimumakah genai than.@KhabaruOnline
— Saudulla Ahmed (@saudullaahmed1) September 16, 2021
ދައުދުﷲ މީގެ ކުރިންވެސް ވަނީ ރައީސް ސޯލިހަށް ވެރިކަމުގެ ދެވަނަ ދައުރެއް ލިބެންޖެހޭކަމަށް ވިދާޅުވެފައެވެ.
ރައީސް ސޯލިހު ވެރިކަމަށް ވަޑައިގަންނަވަން 2018ވަނަ އަހަރު ކުރިޔަށް ގެންދެވި ރިޔާސީ ކެޕްމޭނުގައިވެސް އިސް ދައުރެއް އަދާކުރެއްވި ސައުދުﷲ އަހުމަދަކީ މިސަރުކާރުގައި، ރީޖަނަލް އެއަރޕޯޓްސްގައި އިސް މަގާމެއް އަދާކުރައްވަމުން ގެންދަވާ ބޭފުޅެކެވެ. އަދި އޭނާ ނައިބު ރައީސްކަން ކުރައްވަމުން ގެންދަވާ މޯލްޑިވްސް ޓްރޭޑް ޔޫނިއަންއަކީ، ދިވެހި ވިޔަފާރިވެރިންގެ ހައްގުތަށް ހިމާޔަތް ކުރުމަށް ސަރުކާރާ ގުޅިގެން މުހިންމު މަސައްކަތްތަކެއް ކުރަމުންދާ ވިޔަފާރި ޖަމިއްޔާއެއްކަންވެސް ފާހަގަ ކޮށްލެވެއެވެ.
ކޮމެންޓު ފޮނުވާ