"ބޫތު ޕޮލިސް"ގެ ޑައިރެކްޓަރ ޕަވަން ކްރިޕްލާނީގެ ކުރިއަށް އޮތް ފިލްމްގެ ކާސްޓަށް ސާރާ އަލީ ޚާނާއި ވިކްރާންތު މަސީ ހަމަޖައްސައިފިއެވެ.
ޕަވަން މި ފިލްމް އުފަންދަން އުޅޭކަމުގެ ވާހަކަ އިވިގެން ދިއައީ ދާދި މިދާކަށް ދުވަހުއެވެ. އޭނާގެ އެންމެ ފަހުގެ އުފެއްދުން "ބޫތު ޕޮލިސް" ރިލީޒްކުރުމުގެ އެންމެ ފަހުގެ ތައްޔާރީތަށް ދަނީ ވަމުންނެވެ. "ބޫތު ޕޮލިސް" ރިލީޒް ކުރުމަށް ހަމަޖެހިފައިވަނީ އަންނަ މަހުގެ 17 ގައިއެވެ.
ޕަވަން އިއުލާން ކުރި ފިލްމް ގެ ނަމަކީ "ގޭސްލައިޓް" އެވެ. މި ފިލްމް ގައި ސީނިއާ އެކްޓަރަކުވެސް މަސައްކަތް ކުރާނެ ކަމަށް ރިޕޯޓްތަށް ބުނެއެވެ. ނަމަވެސް ފިލްމާއި ގުޅޭގޮތުން އަދި މާގިނަ މައުލޫމާތު ތަކެއް ހިއްސާކޮށްފައެއް ނުވެއެވެ.
ފިލްމްގެ ޕްރޮޑިއުސަރަކީ ރަމޭޝް ތޯރާނީއެވެ. މި ފިލްމްގެ މަސައްކަތް އޮކްޓޯބަރު މަހުގެ ކުރީކޮޅުގައި ފަށާނެ ކަމަށް ބޮލީވުޑް ހަންގާމާއިން ބުނެފައިވެއެވެ.
ވިކްރާންތު އެންމެ ފަހުން ފެނިގެން ގޮސްފައިވަނީ ފިލްމް "14 ޕެރޭ" އިންނެވެ. އަދި ސާރާގެ އެންމެ ފަހު ފިލްމަކީ "ކޫލީ ނަންބަރު-1″ އެވެ.
