ހުޅުމާލޭ ރައްޔިތުންނަށް ލިބިފައިވަނީ ޖަވާހިރެއްފަދަ ކައުންސިލަރެއް ކަމުގައި ރައްޔިތުންގެ މަޖިލީހުގެ ތިމަރަފުށި ދާއިރާގެ ކުރީގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.

ޝުޖާއު އިއްޔެ ކުރެއްވި ޓުވިޓެއްގައި ވިދާޅުވީ، ކައުންސިލްގެ މެންބަރަކަށް ވުމަށް ކެމްޕޭނަށް އޭނާ ނުކުމެ އުޅުނުއިރު، ރައްޔިތުންގެ ހާލު ބަލާނެ މީހަކަށް އޭނާ ވާނެތޯ ރައްޔިތުން ސުވާލު ކުރި ކަމަށެވެ. އެއިރު ޖަވާބެއްގެ ގޮތުން “އާދޭހޭ އަޅުގަނޑަކީ އަޅުގަނޑުގެ ދާއިރާގެ ރައްޔިތުންގެ ހާލު އަބަދުވެސް ބަލާނެ މީހަކަށް ވާނަމޭ!” ވިދާޅުވެފައިވާނެ ކަމަށް ޝުޖާއު ވިދާޅުވިއެވެ.

ޝުޖާއު ވި އެ ވައުދާއި އެއްގޮތަށް އޭނާ އިއްޔެ ވަނީ ހުޅުމާލޭގައި ދިރިއުޅޭ ރައްޔިތުންނާއި ބައްދަލު ކުރައްވާފައެވެ. އަދި ރައްޔިތުންގެ ހުރި ކަންބޮޑުވުންތަކާއި، ރައްޔިތުންގެ ހާލު އޭނާ އޮޅުން ފިލުވިއެވެ.

ޝުޖާގެ މިޓްވީޓު ޓެގްކޮށް މުސްތަފާ ތިމަރަފުށީ ބަހުން ކުރެއްވި ޓްވީޓުގައި ވިދާޅުވީ ޝުޖާއަކީ ހިއްވަރުގަދަ ބޭފުޅެއްކަމަށެވެ. އަދި ހުޅުމާލޭ ރައްޔިތުން ޝުޖާ އިހުތިޖާރު ކުރެއްވީތީ މަރުހަބާ ދަންނަވަންޖެހޭކަމަށެވެ.

Saabahey!! HulhuMale Councillor !! tha thi Kan vaane! Tha kahala Coucilor Eh libunu kamahtaki Hulhumale Rahyithun thah Shukuru adhaa kuran jeheyne. https://t.co/02rcpVuiuC

— Mohamed Musthafa (@Thimarafushi) August 6, 2021

ހުޅުމާލެ ދާއިރާގެ ކައުންސިލަރަކަށް ޝުޖާއު ހޮވިވަޑައިގެންނެވި ފަހުން، އޭނާ ގެންދަވަނީ ދާއިރާގެ ރައްޔިތުންނާއި ގުޅުން ހުރި ގިނަ ކަންކަން ހައްލުކޮށްދެވޭތޯ މަސައްކަތް ކުރައްވަމުންނެވެ. ޝުޖާއު ވިދާޅުވީ، ކުރިން ވެވަޑައިގެންނެވި ވައުދުތައް ފުއްދޭތޯ މަސައްކަތް ކުރައްވަމުންގެންދަވާ ކަމަށެވެ.