އަލަށް އުފެއްދުމަށް މަސައްކަތްކުރާ މޯލްޑިވްސް ނޭޝަނަލް ޕާޓ،ީ އެމްއެންޕީގެ ސަރުކާރެއްގައި ތަޢުލީމީ ބޭފުޅުންނަށް ޤައުމަށް ޚިދުމަތް ކުރެެއްވުމުގެ ފުރުސަތު ފަހިކޮށްދެވޭނެ ކަމަށް ޕާޓީ އުފެއްދުމުގެ މަސައްކަތުގައި އިސްކޮށް އުޅުއްވާ އެއް ބޭފުޅާ، ތިމަރަފުށީ ދާއިރާގެ މެމްބަރު އަބްދުﷲ ރިޔާޒު ވިދާޅުވެއްޖެ އެވެ.
ރައްޔިތުންގެ މަޖިލީހުގެ ދަގެތީ ދާއިރާގެ މެމްބަރު މުޙައްމަދު ނާޒިމް، (ކާނަލް ނާޒިމް) އިސްވެ ހުންނަވައިގެން އުފެއްދެވުމަށް މަސައްކަތް ކުރައްވަމުން ގެންދަވާ އެމްއެންޕީގެ ރެޖިސްޓްރޭޝަނަށް ޚާއްސަ އޮފީހެއް މާލޭގައި އިއްޔެ ވަނީ ހުޅުވާފަ އެވެ. އެއޮފީހަށް ފުރަތަމަ ބަލައިގަތް މެމްބަރޝިޕް ފޯމެއްގެ ގޮތުގައި ބަލައިގަތީ، ތައުލީމީ ދާއިރާއިން ރިސަރޗްތައް ހެއްދެވުމުގައި ރާއްޖެއާއި އޮސްޓްރޭލިއާގައި 25 އަހަރަށްވުރެ ގިނަދުވަހު ޚިދުމަތް ކުރައްވާފައިވާ ޑރ. އިބްރާހީމް ލަތީފްގެ ފޯމެވެ.
އެހެންކަމުން ޑރ. ލަތީފަށް މަރުހަބާ ދެންނެވުމުގެ ގޮތުން ކުރެއްވީ ޓްވީޓެއްގައި ރިޔާޒް ވިދާޅުވީ އެ ޕާޓީގެ ސަރުކާރެއްގައި ތަޢުލީމީ ބޭފުޅުންނަށް ޤައުމަށް ޚިދުމަތް ކުރެެއްވުމުގެ ފުރުސަތު ފަހިކޮށްދެއްވާނެ ކަމަށެވެ.
The first person to submit the registration form to our newly opened registration office is Dr. @ibrahimlatheef, who has over 25 years of experience in the field of education research in Maldives and in Australia. We feel honored to have his support for our cause. pic.twitter.com/6psldMQa5O
— Maldives National Party (@MNP_Secretariat) July 28, 2021
އެމްއެންޕީ ތަޢާރަފް ކުރުމަށް މިނިވަން ދުވަހު ބޭއްވި ނޫސްވެރިންގެ ބައްދަލުވުމެއްގައި، ކާނަލް ނާޒިމް ވިދާޅުވީ ވިދާޅުވީ އެމްއެންޕީއަކީ ސީދާ ރިޔާސީ އިންތިޚާބު ކާމިޔާބު ކުރުމުގެ މަޤްސަދުގައި އުފައްދަވާ ޕާޓީއެއް ކަމަށާއި، މިހާރު ރާއްޖޭގައި ހުރި ގިނަ ސިޔާސީ ޕާޓީތައް ހެން އެންމެ މީހެއްގެ ފަހަތުގައި ވަށާ އެނބުރޭ ޕާޓީއަކަށް އެޕާޓީ ނުވާނެ ކަމަށެވެ.
މީގެ އިތުރުން ޕާޓީގެ ލީޑަޝިޕްގެ މަގާމުތަކުގައި ތިއްބަވާ ބޭފުޅުންނަށް ގިނަވެގެން މަގާމުގައި ތިއްބެވޭނީ ދެ ދައުރަށް ކަމަށް އަސާސީ ގަވައިދުގައި ހިމަނުއްވާނެ ކަމަށް ނާޒިމް ވިދާޅުވި އެވެ. އަދި އެގޮތަށް ޕާޓީގެ އަސާސްތައް ކަނޑައަޅާނީ ގިނަބަޔަކަށް ހާއްސަކޮށް ޒުވާނުންނަށް ފުރުސަތު ދިނުމަށް ކަމަށް ނާޒިމް ވިދާޅުވި އެވެ.
ކޮމެންޓު ފޮނުވާ