އިންޑިއާގެ މަޝްހޫރު ލަވަކިއުންތެރިޔާ ގުރޫ ރަންދާވާ އެކްޓިންގ ދާއިރާއަށް ނުކުތުމަށް ތައްޔާރުވެއްޖެ އެވެ.
ގުރޫ ބޮލީވުޑަށް ތަޢާރަފްކުރަނީ "އެންޑެމޯލް ޝައިން އިންޑިއާ" އިން މަސައްކަތް ފަށަން ތައްޔާރުވަމުންދާ މިއުޒިކަލް ޑްރާމާ އަކުންނެވެ. މީ ގުރޫގެ ފުރަތަމަ ފިލްމަށް ވީނަމަވެސް މީގެކުރިން އޭޏާގެ ބައެއް ލަވަތަކުގެ މިއުޒިކް ވީޑިއޯގާއި އޭނާ ވަނީ އެކްޓްކޮށްފަ އެވެ. އޭގެ ތެރޭގައި ޒުވާން ތަރި ނުސްރަތު އަދި ނެށުންތެރިޔާ ނޯރާ އާއެކު ކުޅުނު ލަވަތައްވެސް ހިމެނެއެވެ.
29 އަހަރުގެ ގުރޫ އެކްޓިންގ ދާއިރާއަށް ނުކުންނަން ތައްޔާރު ވާއިރު އެއީ އާންމުންގެ މެދުގައި މިހާރުވެސް މަގުބޫލު ލަވަ ކިއުންތެރިއެކެވެ.
ގުރޫ ބުނާގޮތުގައި ލަވަ ކިއުމުގެ އިތުރުން އިންޑަސްޓްރީގައި ކުރިއަރައިދާން ބޭނުންވާ ކަމަށާއި، މުސްތަގުބަލުގައި ގިނަ ކަންތަށްތަކެއް ތަޖުރިބާކޮށް މޮޅުމީހަކަށް ވާން ބޭނުންވާ ކަމަށެވެ.
މިއީ އޭނާގެ ޑްރީމް ޕްރޮޖެކްޓުގެ ގޮތުގައި ސިފަކުރަމުން އޭނާ ބުނެފައިވަނީ މިދާއިރާއިން ވެސް ފޭނުންގެ ލޯބި ލިބޭނެ ކަމަށް އުންމީދު ކުރާމަށެވެ.
މިހާރު ކުރިއަށްދަނީ މި ފިލްމްގެ ކާސްޓް ހަމަޖެއްސުމުގެ މަސައްކަތް ތަކެވެ. މި ފިލްމަކީ މިއުޒިކަލް އައިކޮން އަކަށް ވާނެ ކަމަށްވެސް ޚަބަރުތައް ބުނެއެވެ.
ކޮމެންޓު ފޮނުވާ