ސުޕްރީމް ކޯޓުގެ އާ އިމާރާތް ބިނާކުރުމަށް މާލޭގެ ރަސްފަންނު ކުރިމަތިން ބިމެއް ކަނޑައަޅައިފި އެވެ.
މި ބިމާ ބެހޭ ގޮތުން އުއްތަމަ ފަނޑިޔާރު އަބްދުލްޣަނީ މުހައްމަދު ހާމަކުރެއްވީ، ސުޕްރީމް ކޯޓު އުފެދިތާ 18 އަހަރު ފުރުމުގެ މުނާސަބަތުގައި ރޭ ބޭއްވި ރަސްމިއްޔާތުގަ އެވެ. ސޯޝަލް ސެންޓަރުގެ ފަހަތުގައި، ބޮޑުތަކުރުފާނު މަގާއި ރަސްފަންނަށް ކުރިމަތިލާ ގޮތަށް ހުންނަ މި ބިމުގެ ބޮޑުމިނަކީ 18،000 އަކަފޫޓެވެ.
އިމާރާތް ބިނާކުރުމުގެ މަސައްކަތް ވީއެންމެ އަވަހަކަށް ފަށާނެ ކަމަށް އުއްތަމަ ފަނޑިޔާރު ވިދާޅުވި އެވެ.
ފެހި ގާނޫނުއަސާސީގެ ދަށުން އުފެއްދި ސުޕްރީމް ކޯޓު ފުރަތަމަ ހިންގީ މުލީއާގޭގަ އެވެ. ނަމަވެސް މުލީއާގެ އަލުން ރިޔާސީ ގަނޑުވަރެއްގެ ގޮތުގައި ބޭނުންކުރަން ފެށުމާ ގުޅިގެން، 2009 ވަނަ އަހަރުން ފެށިގެން ކޯޓު ހިންގަމުން އަންނަނީ ކުރީގެ ރިޔާސީ ގަނޑުވަރު ތީމުގޭގަ އެވެ.
ކޮމެންޓު ފޮނުވާ