ބޮލީވުޑްގެ މަޝްހޫރު ބަތަލާ ޝިލްޕާ ޝެއްޓީގެ ފިރިމީހާ، ބިޒްނަސް ޓައިކޫން ރާޖް ކުންދުރާ ހޯމަ ދުވަހުގެ ހަވީރުގެ ވަގުތެއްގައި ވަނީ ބަރަހަނާ ފިލްމު އުފައްދާ އަދި އޮންލައިންކޮށް ބްރޯޑްކާސްޓް ކުރުމުގެ ތުހުމަތުގައި ހައްޔަރުކޮށްފަ އެވެ. އެއާއި އެކު ޝިލްޕާ ވަނީ އޭނާ ޖަޖެއްގެ ގޮތުގައި ބައިވެރި ވަމުން އަންނަ ރިއަލިޓީ ޑާންސް ޝޯވް "ސުޕަރ ޑާންސަރ"ގެ ޖަޖުންގެ ޕެނަލުން ގެއްލިފަ އެވެ.
ރާޖްގެ މައްސަލަ ފުލުހުންނަށް ހުށައަޅާފައިވަނީ އަންހެނެކެވެ. އެ އަންހެން މީހާ އާއި ބެހޭގޮތުން އެއްވެސް މައުލުމާތެއް މިހާތަނަށް ފުލުހުން ހާމަކޮށްފައެއް ނުވެއެވެ. އެ އަންހެން މީހާ މި މައްސަލަ ފުލުހުންނަށް ހުށައަޅަމުން ބުނެފައިވާގޮތުގައި ރާޖް ވަނީ އޭނާ އެޑަލްޓް މޫވީ ކުޅުމަށް ފޯސްކޮށްފަ އެވެ. އަދި އެޑަލްޓް މޫވީ ކުޅުމުން ބޮލީވުޑުން ފުރުސަތު ހޯދައިދޭނެ ކަމަށް ބުނެފައިވާ ކަމަށް ވެސް ފުލުހުންގެ ބަޔާނުގައި ވެއެވެ.
Businessman Raj Kundra has been arrested by the Crime Branch in a case relating to creation of pornographic films & publishing them through some apps. He appears to be the key conspirator. We have sufficient evidence regarding this: Mumbai Police Commissioner pic.twitter.com/LbtBfG4jJc
— ANI (@ANI) July 19, 2021
އަނޫރާގް ބާސޫ އާއި ގީތާ ކަޕޫރް އާއި އެކު ޝިލްޕާ އަންނަނީީ "ސުޕަރ ޑާންސަރ" ފެށުނީންސުރެ، ޝޯވްގެ ޖަޖުކަން ކުރަމުންނެވެ. އޭނާ ކުޑަ ބްރޭކްއެއް ނަގާފައިވަނީ ފިރިމީހާއާ އެކުގައި އާއިލާގެ ބައެއް މެމްބަރުން ކޮވިޑް-19އަށް ޕޮޒިޓިވް ވުމާއި ގުޅިގެނެވެ. އެއާއި އެކު މި ހަފްތާގެ ހޯމަ އަދި އަންގާރަ ދުވަހު ޝިލްޕާ ވަނީ އެބުރި ޝޫޓިންގ ގައި ބައިވެރިވެފަ އެވެ.
ނަމަވެސް ޝިލްޕާ މިވަގުތު ދަނީ އެއްވެސް މީޑިއާ އަކުން ވެސް އަދި ޝޯވް އަކުން ވެސް ފެނުމަށް އިންކާރުކުރަމުންނެވެ. 46 އަހަރުގެ ބަތަލާ ވަނީ ބޮޑުސްކުރީނަށް އެބުރިއައުމަށް ވެސް މަސައްކަތް ފަށާފަ އެވެ. އެގޮތުން އޭނާ އެނބުރި އައުން ފާހަގަ ކުރާ ފިލްމް "ހަންގާމާ-2″ގެ ޕްރޮމޯޝަން މިހާރު ދަނީ ބާރު ސުޕީޑްގައި ކުރިއަށެވެ. ނަމަވެސް އޭނާ ވަނީ ޕްރޮމޯޝަން ތަކުންވެސް ވަގުތީ ގޮތުން ބްރޭކެއް ނަގާފަ އެވެ.
ޝިލްޕާ އެންމެ ފަހުން ފެނިގެން ގޮސްފައިވަނީ 2007 ވަނަ އަހަރު ގެ ފިލްމް " ލައިފް އިން މެޓްރޯ" އާއި "އަޕްނޭ" އިންނެވެ.
