މިސްރުގެ ކުރީގެ ރައީސް، އަންވަރު ސާދާތުގެ އަބިކަނބަލުން، އަދި ކުރީގެ ފަސްޓް ލޭޑީ، ޖީހާން ސާދާތު، އަސްކަރީ އިއްޒަތުގައި، ހުކުރު ދުވަހު ފަސްދާނުލައިފި އެވެ.
އެކަމަނާ ފަސްދާނުލާފައިވަނީ، މިސްރުގެ ވެރިރަށް ކައިރޯގެ، ކޮންބައެއް ނޭގޭ ސިފައިންގެ މެމޯރިއަލްއެއްގައި، އެކަމަނާގެ ފިރިކަލުން، އަވަހާރަ ކޮށްލެވުނު، މިސްރުގެ ކުރީގެ ރައީސް އަންވަރު ސާދާތުގެ މަހާނައާއި އިންވެގެންނެވެ.
ކުރީގެ ރައީސް ސީސީ ވަނީ، ޖީހާން ސާދާތު ފަސްދާނުލުމުގެ ކުރިން ބޭއްވުނު ރަސްމީ އިހުތިފާލެއްގައި އެކަމަނާއަށް އެންމެ ފަހުގެ އިހުތިރާމް އަދާ ކުރައްވާފައެވެ. މި އިހުތިފާލުގައި، މިސްރުގެ ސަރުކާރުގެ އިސްވެރިންވެސް ބައިވެރިވެ ވަޑައިގެންނެވިއެވެ.
އުމުރުން 88 އަހަރުގައި އަވަހާރަވި، ޖީހާން ސާދާތު ވަނީ މިސްރުގެ ފަސްޓް ލޭޑީއެއްގެ ގޮތުގައި 10 ވަަރަކަށް އަހަރު ހޭދަ ކުރައްވާފައެވެ. އެކަމަނާ ދުނިޔޭގެ އަލިކަން ދެކެވަޑައިގަތީ 1933 ވަނަ އަހަރުއެވެ.
1949 ވަަނަ އަހަރު، އަންވަރު ސާދާތުއާއި ކައިވެނި ބައްލަވައި ގެންނެވުމަށްފަހު އެކަނާއަށްވަނީ 4 ބޭފުޅުން ލިބިވަޑައިގެންފައެވެ.
އެމަނާގެ ފިރިކަލުން، މިސްރުގެ އޭރުގެ ރައީސް އަންވަރު ސާދާތު 1981ވަނަ އަހަރު އަވަހާރު ކޮށްލެވުމަށްފަހު، ޖީހާން ސާދާތު މަޝްޢޫލު ވެވަޑައިގަތީ ކިޔަވާ ދެއްވުމާއި ފޮތްތައް ލިޔުއްވުމުގައެވެ. އަދި އޭގެފަހުން އެކަމަނާވަނީ، ކައިރޯ ޔުނިވާރސިޓީން ކޮމްޕެރެޓިވް ލިޓްރޭޗަރގެ ދާއިރާއިން ޕީއެޗްޑީ ހާސިލް ކުރައްވާފައެވެ.
މިސްރުގެ ރައީސްގެ ފަރާތުން ނެރުނު ބަޔާނެއްގައި ބުނެފައިވަނީ، ޖީހާން ސާދާތަށް ގައުމީ މެޑަލް އެރުމަށް ހަމަޖެހިފައިވާ ކަމަށާއި އަދި މިސްރުގެ ވެރިރަށް ކައިރޯގެ ހައިވޭގެ ނަން އެކަމަނާގެ ނަމަށް ބަދަލުރުކުމަށްވެސް ހަމަޖެހިފައިވާ ކަމަށެވެ.
ކޮމެންޓު ފޮނުވާ