ޑިޒްނީ ޕްލަސް ހޮޓްސްޓާއިން ޕްރިމިއަރ ކުރަން ނިންމާފައިވާ ފިލްމު "ބޫތު ޕޮލިސް"ގައި ސައިފް އަލީ ޚާންއާއި އަރުޖުން ކަޕޫރުގެ ކެރެކްޓަރގެ ފަސްޓް ލުކް ދައްކާލައިފި އެވެ.
"ރޭސް" ފަދަ ކާމިޔާބު ފިލްމުތައް ގެނެސްދިން ޕްރޮޑިއުސަރ ރަމޭޝް ތައުރާނީގެ މި ފިލްމުން ސައިފް ފެނިގެންދާނީ ވިބޫތީގެ ކެރެކްޓަރ އިންނެވެ. އަދި އަރުޖުންގެ ކެރެކްޓަރ އަކީ އެންގްރީ ޔަންގް މޭން އެއް ކަމަށްވާ ޗިރައުންޖީ އެވެ.
ފިލްމުގެ ލީޑުން ދެން ފެނިގެންދާނީ ޖެކްލިން ފެރްނަންޑޭޒާއި ޔާމީ ގޯތަމް އެވެ.
ލީޑް އެކްޓަރުންގެ ފަސްޓް ލުކް ދައްކާލައި ނަމަވެސް ޑިޒްނީ ޕްލަސް ހޮޓްސްޓާއަށް ފިލްމު ގެންނާނެ ތާރީހެއް އަދި އިއުލާނެއް ނުކުރެއެވެ.
"ބޫތު ޕޮލިސް" ޑިޖިޓަލް ޕްރީމިއާއަކަށް ދާން ނިންމި އިރު، މި އަހަރުގެ ކުރީކޮޅު ޝޫޓިން ނިމި، މިހާރު ޕޯސްޓް ޕްރޮޑަކްޝަން މަރުހަލާގައި އޮތް ފިލްމު އޮތީ މި އަހަރުގެ ސެޕްޓެމްބަރު މަހުގެ 10 ގައި ސިނަމާތަކަށް ގެންނަން ތާވަލުކޮށްފަ އެވެ. އެކަމަކު އިންޑިއާގައި ކޮވިޑް-19 ގެ ހާލަތު އޮތް ގޮތުން އެހާ ތަނަށް ވެސް ފިލްމު ސިނަމާތަކުގައި ދެއްކޭނެކަމުގެ މާ ބޮޑު އުންމީދެއް ނެތެވެ.
Get ready to scream with laughter! #BhootPolice arrives on 10th sept. #NewNormalIsParanormal#SaifAliKhan @arjunk26 @Asli_Jacqueline @yamigautam @jaavedjaaferi@RameshTaurani @puriakshai #PavanKirpalani #JayaTaurani@tipsofficial #12thStreetEntertainment#BhootPolice pic.twitter.com/09aRIquogz
— Ramesh Taurani (@RameshTaurani) February 23, 2021
މި ފިލްމުގެ ރައިޓްސް މިހާރު ވަނީ ސްޓާ ނެޓްވޯކަށް ވިއްކާލާފަ އެވެ. ކަމަށް ރިޕޯޓްތައް ބުނެފި އެވެ. ބޮލީވުޑް ހަންގާމާ އިން ބުނި ގޮތުގައި ގާތްގަނޑަކަށް 65 ކްރޯޑް ރުޕީސް (8.89 މިލިއަން ޑޮލަރު) އަށް ފިލްމުގެ ރައިޓްސް ވިއްކައިލި އިރު ފިލްމު ހަދާފައި ވަނީ 40 ކްރޯޑް ރުޕީސް (5.47 މިލިއަން ޑޮލަރު) ގެ ބަޖެޓަކުންނެވެ.
މި ހޮރޯ ކޮމެޑީގެ ޑައިރެކްޓަރަކީ ޕަވަން ކިރްޕަލާނީ އެވެ.
