ޖާންވީ ކަޕޫރްއަކީ ހުނަރުވެރި ފިލްމީ ތަރިއެއްގެ އިތުރުން ނެށުންތެރިއެކެވެ. 2018 ވަނަ އަހަރުގެ ހިންދީ ފިލްމް "ދަޅަކް" އިން ބޮލީވުޑަށް ތަޢާރަފްވި މި ތަރި ވަނީ އޭނާގެ އިތުރު ހުނަރެއް ބެލުންތެރިންނާއި ހިއްސާކޮށްފަ އެވެ.
އެގޮތުން ޖާންވީ ވަނީ އޭނާގެ ކުރެހުންތަކެއް ބެލުންތެރިންނާއި ހިއްސާކޮށްފަ އެވެ. މި ކުރެހުންތައް ދައްކާލަމުން އޭނާއަކީ މިހާރު ކުރެހުންތެރިއެކޭ ބުނެވިދާނެތޯ ވަނީ ބެލުންތެރިންނާ ސުވާލުކޮށްފަ އެވެ.
އޭނާ ވަނީ ކުރަހަން އިން ފޮޓޯއެއްވެސް ހިއްސާކޮށްފަ އެވެ. މި ފޮޓޯއިން ފެނިގެންދަނީ ޖާންވީ "މޮޑާން އާޓް" އެއް ކުރަހަން އިންދައެވެ. އެގޮތުން އޭނާ ކުރަހަން އިނީ މޫނެއް ސިފަވާ ކުރެހުމެކެވެ. މި ފޮޓޯގައި އޭނާ ކުރަހަން އިނީ ތަފާތު އެކި ކުލަ ކުލައިގެ ތަރުކާރީ އާއި މޭވާގެ ކުރެހުންތައް ކުރަހާފައިވާ ހައުސް ކޯޓެއްގެ ލައިގެންއެވެ.
މަސައްކަތުގެ ދާއިރާއަށް ބަލައިލާއިރު ޖާންވީ ދެން ފެނިގެންދާނީ "ދޯސްތާނާ 2″ އިންނެވެ. މީގެ އިތުރުން އަނަންދު އެލް ރާއީގެ "ގުޑް ލަކް ޖެރީ" އިންވެސް ޖާންވީ ކަޕޫރް ފެނިގެންދާނެއެވެ.
ކޮމެންޓު ފޮނުވާ