މެލޭޝިއާގެ ކުއަރލާލަމްޕޫރުގެ، ޕެޓްރޮނާސް ޓުވިން ޓަވަރުގެ ކައިރީގައި ބިމު އަޑީގެ ޓަނަލެއްގައި، ދުވަމުން ދިޔަ ދެ ޓްރެއިންއެއް އެކްސިޑެންޓްވެ 200 އަށްވުރެ ގިނަ މީހުންނަށް އަނިޔާ ވެއްޖެއެވެ.
މި އެކްސިޑެންޓް ހިގާފައިވަނީ، މަރާމާތު ކުރުމުގެ މަސައްކަތަކަށްފަހު ރޭލު ދަގަޑުމަތިން ދުއްވާފަ ދިޔަ ޓްރެއިންއެއް، އަނެއްކޮޅުން، 213 ޕަސެންޖަރުންނާއެކު ދަތުރު ކުރަމުން އައި ޓްރެއިންއަކާ ކުރިމަތިން ދެ ރޭލު މުޑި އަރައިގެންނެވެ.
[Video] Perkhidmatan LRT Laluan Kelana Jaya berhadapan dengan satu insiden yang melibatkan tren bernombor 40 dan 81.
Usaha menyelamatkan mangsa sedang dijalankan.
Sumber: Prasarana Malaysia Berhad pic.twitter.com/gsbUhlgECv
— BERNAMA (@bernamadotcom) May 24, 2021
އެކްސިޑެންޓަށްފަހު ސޯޝަލް މީޑިއާގައި އާންމު ވެފައިވާ ފޮޓޯތަކަށް ބަލާއިރު، އެކްސިޑެންޓު ވުމަށްފަހު، ޓްރެއިންގެ އެތެރޭގައި އަނިޔާވެފައިވާ މީހުން ވެއްޓިފައިތިބި މަންޒަރުވަނީ ފެނިފައެވެ.
#BREAKING: Multiple people have been injured after an accident involving two trains on the LRT Kelana Jaya Line (Train numbers 40 and 81) in Kuala Lumpur, Malaysia.
All the injured have been evacuated.
(Video: @BuletinTV3) pic.twitter.com/pHb0ThX1np
— News Asia 24 (@NewsAsia24) May 24, 2021
މެލޭޝިއާގެ ޑިސްޓްރިކްޓް ޕޮލިސް ޗީފް މުހައްމަދު ޒައިނަލް އަބުދުﷲ ވިދާޅުވެފައިވާ ގޮތުހައި މިހާދިސާގައި 47 މީހަކަށް ވަނީ ވަރަށް ބޮޑަށް އަނިޔާވެފައެވެ. އަދި އިތުރު 166 މީހަކަށް އިތުރު ކުދިކުދި އަނިޔާތައް ވަނީ ލިބިފައެވެ.
މި އެކްސިޑެންޓް ހިގާފައިވަނީ، ޕެޓްރޮނާސް ޓަވަރުގެ ބޭރުގައި ހުންނަ ކޭއެލްސީސީ ސްޓޭޝަނާ 100 މީޓަރު ދުރުން މިބު އަޑީގެ ޓަނަލުގައެވެ.
"އަހަރުމެން އަދި މިދަނީ މިހާދިސާ ތަހުގީގު ކުރަމުން. އެހެންނަަވެސް، އަދި ބެލެވޭ ގޮތުގައި ހާދިސާ ހިގާފައިވަނީ، ޓްރެރިންތަކުގެ އޮޕަރޭޝަންސް ކޮންޓްރޯލް ސެންޓަރުން މުއާމަލާތު ކުރުމުގައި އޮޅުންތަކެއް އަރައިގެން ކަމަށް،" އަބުދުﷲ ވިދާޅުވެފައި ވެއެވެ.
މެލޭޝިއާގެ ބޮޑުވަޒީރު އޭނާގެ ފޭސްބުކް އެކައުންޓުގައި ވިދާޅުވެފައިވަނީ، މިއެކްސިޑެންޓަކީ ވަރަށް "ސީރިއަސް" އެކްސިޑެންޓެއް ކަމުގައެވެ.
މެލޭޝިއާގެ ޓްރާންސްޕޯޓު މިނިސްޓްރީން ބުނެފައިވަނީ، މި އެކްސިޑެންޓް ތަހުގީގު ކުރުމަށް ޚާއްސަ ޓާސްކްފޯސްއެއް އުފައްދާނެ ކަމަށެވެ. އަދި ޓްރާންސްޕޯޓު މިނިސްޓަރު ވީ ކާ ސިއޮން ވިދާޅުވެފައިވާ ގޮތުގައި މިއީ މެލޭޝިއާގެ 23 އަހަރުވީ މެޓްރޯ ސިސްޓަމްގައި ހިގާފައިވާ ހަމައެކަނި ބޮޑު އެކްސިޑެންޓް ކަމުގައެވެ.
ކޮމެންޓު ފޮނުވާ