ފިލްމީ ތަރިންނާއި އެމީހުންގެ ސަޕޯޓަރުންގެ މެދުގައި އޮންނަނީ ވަރަށްވެސް ވަރުގަދަ ގުޅުމެކެވެ. އެގޮތުން ވަރަށް ގިނަ ފިލްމީ ތަރިންނަކީ އެމީހުންގެ ފޭނުންނަށް ހިތްހެޔޮ ތަރިންނެވެ. މީގެ ތެރެއިންވެސް ޝަބާނާ އަޒްމީ، ރޭކާ ފަދަ ތަރިން ފާހަގަ ކޮށްލެވެ އެވެ.
ފަހުގެ ޖެނެރޭޝަނަށް ބަލާނަމަ މި ލިސްޓަށް ޖާންވީ ކަޕޫރުގެ ނަން މި ވަނީ އިތުރުވެފައެވެ. އެގޮތުން އޭނާއަށް އޭނާގެ މަންމަގެ ހިތްހޮޔޮކަން ލިބިފައިވާ ކަމަށް ގިނަ ބަޔަކު ވަނީ ބުނެފަ އެވެ.
ޖާންވީ ކަޕޫރާއި އެކުގައި ފޮޓޯ ނަގަން އައި ބެލުންތެރިއެއް ޖާންވީގެ ސެކިއުރިޓީ ގާޑް ހުއްޓުވަން މަސައްކަތް ކޮށްފައިވާ ވީޑިއޯއެއް ވަނީ ވައިރަލްވެފަ އެވެ.
ވައިރަލް ވެފައިވާ މި ވީޑިއޯއިން އިން ޖާންވީގެ ހިތްހަމަ ނުޖެހުން އަމާޒުވެފައިވަނީ އޭނާގެ ބޮޑީގާޑަށެވެ. ފޮޓޯ ނެގުމަށް އައި މީހާ، ޖާންވީގެ ސެކިއުރިޓީން ހުއްޓުވި ނަމަވެސް ޖާންވީ އޭނާއާއެކު ފޮޓޯ ނަގާތަންވެސް ފެނިގެން ދެއެވެ. އަދި މި ބޮޑީގާޑްގެ ހަރަކާތްތަކާއި މެދުގައި ޖާންވީ ހިތްހަމަ ނުޖެހިފައިވާ ކަމަށް ޖާންވީ ވަނީ ފަހުން ބުނެފައެވެ. އެހެންނަމަވެސް އެ ވަގުތުގައި ޖާންވީ އޭނާގެ ސެކިއުރިޓީއަށް އެއްވެސް އެއްޗެކޭ ބުނެފައެއް ނުވެއެވެ.
ޖާންވީގެ މި ހިތްހެޔޮކަމަށް ވަރަށް ގިނަ ބެލުންތެރިންގެ ތައުރީފާއި ތަރުހީބު ވަނީ ލިބިފައެވެ. އަދި މި ވީޑިއޯ ވަނީ ކުޑަ ވަގުތު ކޮޅެއްގެ ތެރޭގައި ވައިރަލް ވެފައެވެ.
View this post on Instagram
ޖާންވީ ދެން އެންމެ އަވަހަށް ފެނިގެންދާނީ މާދަމާ ސިނަމާތަކުގައި އެޅުވުމަށް ހަމަޖެހިފައިވާ ފިލްމު "ރޫހީ" އިންނެވެ. މި ފިލްމުގައި ޖާންވީ އާއި އެކު ފެނިގެން ދާނީ ރާޖް ކުމާރް ރާއޯއެވެ.
