ދުނިޔޭގައި އެންމެ ދުވަސްވީ އަދި ކުރިއަރާފައިވާ އިނގިރޭސިވިލާތުގެ މިލިޓަރީ އެކެޑަމީ ސޭންޑްހަރސްޓް ކޯހުގައި ބައިވެރިވި ފުރަތަމަ އަންހެން ދިވެހިރާއްޖޭގެ ކެޑޭޓްކޯގެ ފިރުޝާނާ ތަޢުފީޤް ހިމެނިއްޖެއެވެ.
މިއީ އިނގިރޭސިވިލާތުގެ ރޯޔަލް މިލިޓަރީ އެކެޑަމީ ސޭންޑްހަރސްޓްގެ ތަމްރީނެއްގައި ދިވެހި އަންހެނަކު ބައިވެރިވި ފުރަތަމަފަހަރެވެ. މިކަމާއި ގުޅިގެން ޑިފެންސް މިނިސްޓަރ މާރިޔާ އަޙްމަދު ދީދީ ވަނީ ފިރުޝާނާއަށް މަރުޙަބާ ދަންނަވާފައެވެ. މިނިސްޓަރ ވަނީ ފިރުޝަނާއަށް އެފުރުޞަތު ލިބިވަޑައިގަތުމުން ފިރުޝާނާއަށް ތަޢުރީފްކުރައްވާ، ކާމިޔާބީއަށް އެދިވަޑައިގެންފައެވެ.
Pleased to see Officer Cadet Firushana Thaufeeq from @MNDF_Official in action at the Commissioning Course at the prestigious Royal Military Academy Sandhurst. Firushana is the first Maldivian female Officer Cadet to attend @RMASandhurst. I wish her all the best? @UKinMaldives pic.twitter.com/K7IZUAYsLa
— Mariya Didi ? (@MariyaDidi) February 11, 2021
ޑިފެންސް މިނިސްޓަރގެ އިތުރުން އިނގިރޭސިވިލާތުން ރާއްޖެއަށް ކަނޑައަޅާފައި ހުންނަވާ ސަފީރު ކެރަން ރޮސްލާވެސް ފިރުޝާނާގެ ލޮލުން ފަޚުރާއި އުފާވެރިކަން ފެންނަންހުރިކަން ފާހަގަކުރައްވާ، ދިވެހި ޤައުމާއި، ދިވެހި ސިފައިންނާއި ކެޑޭޓުން ފަޚުރުވެރިވާނެކަމަށް ވިދާޅުވެފައެވެ.
So happy to see this day. 1st female officer from #Maldives to attend prestigious UK military academy, @RMASandhurst. Her eyes are shining with pride and excitement. Hope all of @MNDF_Official is proud & excited for her! @CDFofMNDF https://t.co/KY7vmG34XL
— Caron Rohsler (@caron_rohsler) February 11, 2021
ފިރުޝާނާއަށް ލިބުނު ފުރުޞަތައް އެތައް ބަޔަކު އަންނަނީ މަރުހަބާ ކިޔައި، އޭނާއަށް ކާމިޔާބީއަށް އެދެމުންނެވެ. އިނގިރޭސިވިލާތުގެ މިލިޓަރީ އެކެޑަމީ ސޭންޑްހަރސްޓް އިން ފިރުޝާނާއަށް ތަމްރީން ހޯދުމުގެ ފުރުޞަތު ލިބިފައިވާއިރު، އަސްކަރީ ދާއިރާއިންނާއި އެނޫންވެސް ދާއިރާތަކުން ދިވެހި އަންހެނުން ބޮޑެތިކުރިއެރުމާއި ކާމިޔާބީތައް ޙާސިލްކޮށްފައިވެއެވެ.
ދާދިފަހުން ރައްޔިތުންގެ މަޖިލިސް ހުޅުވުމަށް ބޭއްވި ޖަލްސާގައިވެސް ރައީސުލްޖުމްހޫރިއްޔާއަށް ގާރޑ އޮފ އޮނަރ އެރުވުމުގައިވެސް ގިނަ ޢަދަދެއްގެ އަންހެން ސިފައިން ބައިވެރިވެފައިވެއެވެ. އަދި ޑިފެންސް މިނިސްޓަރ މާރިޔާ އަޙްމަދު ދީދީަކީ މިހާތަނަށް ރާއްޖޭގައި ދިފާޢީ ވަޒީރުކަންކުރައްވާ ފުރަތަމަ އަންހެން ވަޒީރެވެ.
ކޮމެންޓު ފޮނުވާ