މަޝްހޫރު ކޮމޭޑިއަން ކަޕިލް ޝަރްމާ އާއި އަންހެނުން ގިނީ ދެވަނަ ދަރިފުޅަށް މަރުހަބާ ކިޔައިފިއެވެ. މިފަހަރު މި ދެމަފިރިންނަށް ލިބިފައިވަނީ ފިރިހެން ކުއްޖެކެވެ.
ކަޕިލް ކުރި ޓްވީޓެއްގައި ބުނެފައިވާ ގޮތުގައި ގިނީ ވަނީ މިދިޔަ ހޯމަ ދުވަހުގައި ވިހާފައެވެ. އަދި މަންމައާއި ދަރިފުޅުގެވެސް ހާލު ރަނގަޅުކަމަށް ވެސް ވަނީ ބުނެފައެވެ.
Namaskaar ? we are blessed with a Baby boy this early morning, by the grace of God Baby n Mother both r fine, thank you so much for all the love, blessings n prayers ? love you all ❤️ginni n kapil ? #gratitude ?
— Kapil Sharma (@KapilSharmaK9) February 1, 2021
ފާއިތުވި ހަފްތާގައި ކަޕިލް ވަނީ އޭނަގެ ޝޯވ ދުވަސް ކޮޅަކަށް މެދުކަނޑާލާ ވާހަކަ ބުނެފައެވެ. އަދި ޝޯވ މެދުކަނޑާލަނީ އާއިލާ އަށް ވަގުތު ދިނުމުގެ ގޮތުން ކަމަށްވެސް ކަޕިލް ވަނީ ބުނެފައެވެ. މި ޝޯވ އަކީ ސޮނީ ޓީވީ އިން ދައްކަމުން އަންނަ ބެލުންތެރިންގެ ބޮޑު މަގުބޫލުކަމެއް ހޯދާފައިވާ ޝޯއެކެވެ.
މީގެ ކުރިން މި ޝޯ ހުއްޓާލަން އޫޅޭ ކަމުގެ ޚަބަރަު ވަނީ ބެލުންތެރިންނަށް ލިބިފައެވެ. އަދި އިތުރު ބަދަލަކާއި އެކު އަލުން އަނބުރާ އަންނަ ގޮތަށް ވަނީ ހަމަޖެހިފައެވެ. ޓްވިޓާގައި ކުރިއަށް ދިޔަ ސުވާލާއި ޖަވާބުގެ ފޯރަމެއްގެ ތެރެއިން ކަޕިލް ބުނެފައިވަނީ ޝޯވ މެދުކަނޑާލަން ނިންމާފައި ވަނީ ގިނީ އާއި އެއްކޮށް ވަގުތު ހޭދަ ކުރުމަށެވެ. އަދި އެ ދެމީހުންގެ ދެވަނަ ދަރިފުޅަށް މަރުހަބާ ކިޔުމަށް ތައްޔާރު ވުމަށެވެ.
View this post on Instagram
ކަޕިލްގެ ޝޯވ މެދުކަނޑާލުމުގެ ޚަބަރު ތަކާއި އެކު ގިނަ ބެލުންތެރިންގެ ސުވާލުތައް ކަޕިލްއަށް އަމާޒުވެގެން ދިޔައެވެ. ފޭނުންގެ ސުވާލުތަކުގެ ޖަވާބެއްގެ ގޮތުގައި ކަޕިލް ބުނެފައިވަނީ މިއީ ހަމަ އެކަނި ކުޑަ ކުޑަ ބްރޭކެއް ކަމަށެވެ. ގިނަ ބެލުންތެރިންގެ މަގުބޫލުކަން ހޯދާފައިވާ މި ޝޯގައި ކަޕިލްގެ އިތުރުން ބާރްތީ ސިންގ، ސުމޯނާ ޗަކްރަވަރްތީ، ކްރުޝްނާ އަބީޝެކް އަދި ކިކޫ ޝްރަދާ ފެނިގެން ދެއެވެ.
ކަޕިލް އަދި ގިނީ ކައިވެނި ކޮށްފައިވަނި 2018 ވަނަ އަހަރުގައިއެވެ. އަދި 2019 އަހަރު މި ދެމަފިރިންނަށް ވަނީ އަންހެން ކުއްޖެއް ލިބިފައިއެވެ. މި ކުއްޖާގެ ނަމަކީ އަނައިރާއެވެ.
