އެމެރިކާގެ ރައީސް ޖޯބައިޑްން ހުވާ ކުރުމުގެ ރަސްމިއްޔާތުގެ ތައްޔާރީތަކާ އަދި މުޅި ރަސްމިއްޔާތުގެ ސަމާލަތީ ކަންކަން ބެލެހެއްޓުމުގައި އުޅުނު އެގައުމުގެ ނޭޝަނަލް ގާރޑުގެ ސިފައިން ކާޕެޓްމަތީގައި ނިދާފައިތިބި ފޮޓޯތަކެއް އާންމު ވެގެން ދިއުމާގުޅިގެން ރައީސް ބައިޑްން މާފަށް އެދިވަޑައިގެންފިއެވެ.
މިމަހުގެ ކުރީކޮޅު ކެޕިޓަލް ހިލްއަށް ޓަރަމްޕްގެ ސަޕޯޓރުން ދިން ހަމަލާއާ ގުޅިގެން، ބައިޑްން ހުވާ ކުރުމުގެ ރަސްމިއްޔާތުގެ ސަލާމަތީ ކަންކަން ބެލެހެއްޓުމަށް ނޭޝަނަލް ގާރޑްގެ 25،000 ސިފައިން ވަނީ ވޮޝިންޓަން ޑިސީގައި ހަރަކާތްތެރިވެފައެވެ.
މިހާރު އިންޓަރނެޓްގައި ދައުރުވަމުންދާ ފޯޓޯތަކުން ފެންނަ ގޮތުގައި، މިރަސްމިއްޔާތަށްފަހު، ސަލާމާތީ ކަންކަން ބަލަހައްޓަމުން ދިޔަ ބައެއް ސިފައިންނަށް އަރާމު ކޮށްލުމުގެ ގޮތުން ނިދާލަން ޖެހުނީ ފޯރި މަރަމުންދިޔަ ސަރަހައްދުގެ ކައިރީގައި ހުރި، އެއްގަމު އުޅަދު ޕާކްކުރާ ގަރާޖުތަކުގެ ތެރޭގައެވެ.
މި ފޮޓޯތައް ދައުރުވާން ފެށުމާއެކު، އެމެރިކާގެ ސިޔާސީ ބައެއް ފަރާތްތަކުގެ މެދުގައިވަނީ ރުޅިވެރިކަން އުފެދިފައެވެ. އަދި ބައެއް ސްޓޭޓްތަކުގެ ގަވަރުނަރުން ވަނީ، އެސްޓޭޓްތަކަށް ނިސްބަތްވާ ނޭޝަނަލް ގާޑުގެ ސިފައިން އަބުރާ ގެންދިއުމަށްވެސް ނިންމާފައެވެ.
އެމެރިކާގެ މީޑިއާތަކުން ރިޕޯޓް ކޮށްފައިވާ ގޮތުގައި، ބައިޑްންވަނީ މިހާދިސާއާއި ގުޅިގެން މާފަށް އެދުމަށް ޗީފް އޮފް ނޭޝަނަލް ގާރޑަށް ފޯނުން ގުޅުއްވާ މަޝްވަރާ ކުރައްވާފައެވެ. އަދި މިހާދިސާ އާއިގުޅިގެން ކޮށްދޭންވީ ކޮންކަމެއްތޯ ބައިޑްން ސާފުކޮށްފައިވާ ކަމަށްވެސް މީޑިއާތަކުން ރިޕޯޓު ކޮށްފައި ވެއެވެ.
ފަސްޓް ލޭޑީ ޖިލް ބައިޑްން ވަނީ މި ރަސްމިއްޔާތުގެ ފޯރިމެރި ސްޕެޝަލް ގާޑުގެ ސިފައިނަށް ޒިޔާރަތް ކޮށްފައެވެ. މިޒިޔާރަތުގައި ސިފައިންނަށް ހަދިޔާއެއްގެ ގޮތުން ވައިޓްހައުސްއިން ބިސްކޯދު އެކަމަނާ ގެންދަވާފައި ވެއެވެ.
"އަހަރެން މިއަދު މިއައީ، އަހަރެންނާ އަހަރެންގެ އާއިލާގެ ސަމާލަތީ ކުރިހާކަމެއް ބަލަހައްޓައިދިން ކަމަށްޓަކާ ޝުކުރު އަދާކުރުމަށް،" ޖިލް ބައިޑްން ވިދާޅުވެފައި ވެއެވެ.
މިހަފްތާގެ ބުރާސްފަތި ދުވަހު އާންމުވެގެން ދިޔަ ފޮޓޯތަކުން ފެންނަ ގޮތުގައި، ބުދަ ދުވަހުގެ ރަސްމިއްޔާތަށްފަހު އެތައްސަތޭކަ ސިފައިންނެއްވަނީ، ކައިރީގައި ހުރި ޕާކްކުރާ ގަރާޖުގައި ނިދާފައެވެ.
މިފޮޓޯތަށް އާންމު ވެގެން ދިއުމާއެކު، ސިފައިނަށް ފޯރުކޮށްދީފައިވާ ޚިދުމަތްތަކާގުޅޭގޮތުން އެތައްބަޔަކު ވަނީ ނުރުހުން ފާޅުކޮށްފައެވެ. އަދި ހުވާކުރުމުގެ ރަސްމިއްޔާތުގެ ސަލާމަތީ ކަންކަން ބެލެހެއްޓި ސިފައިން، އަރާމުކޮށް ނިދަންޖެހުނީ ދުއްވާތަކެތީގެ ދުމާ އަދި ފާޚާނާ ކުރެވޭނެފަދަ ހާލަތެއްވެސް ނެތިކަމަށްބުނެ އެތައްބަޔައެއްގެ ފާޑުއިއުން ވަނީ ސަރުކާރަށް އަމާޒު ވެފައެވެ.
މިފޮޓޯތައް އާންމު ވެގެން ދިއުމާގުޅިގެން އެމެރިކާގެ ގާނޫނު ހަދާ މަޖިހުގެ ބައެއް މެމްބަރުން، ނޭޝަނަލް ގާރޑްގެ ސިފައިނަށް ފޯރުކޮށްދީފައިވާ މި ޚިދުމަތްތަކަށް ފާޑު ވިދާޅުވަމުން ވަނީ، އެމެމްބަރުންގެ އޮފީހުގައި ސިފައިން ނިދުމުގެ ފުރުސަތު ފޯރުކޮށްދިނުމަށްވެސް ހުށަހަޅުއްވާފައެވެ.
Our troops deserve the utmost honor & respect for securing the Capitol & defending democracy this week.
This is unconscionable & unsafe. Whoever’s decision this was to house our National Guardsmen & women in underground parking lots must be held accountable. pic.twitter.com/mBwpoog6YC
— Tim Scott (@SenatorTimScott) January 22, 2021
