މެޗު ނިސްބަތުން ގައުމީ ޓީމަށް އެންމެ ގިނަ ލަނޑު ޖަހައިދިން ކުޅުންތެރިންގެ ލިސްޓުގެ ދެވަނަ ރާއްޖޭގެ އަލީ އަޝްފާގު (ދަގަނޑޭ) ހޯދައިފިއެވެ.
ދަގަނޑޭ ދެވަނައިގައި އޮތީ ކްރިސްޓިއާނޯ ރޮނާލްޑޯ އާއި، ލިއޮނަލް މެސީ އާއި، ނޭމާ ވުރެކުރި ހޯދައިގެންނެވެ.
މެޗު ނިސްބަތުން ދުނިޔޭގެ ލަނޑު ލިސްޓުގެ އެއްވަނައިގައި އޮތީ ޔޫއޭއީގެ އަލީ މަޚްތޫބެވެ. އޭނާ ވަނީ 83 މެޗުގައި 63 ލަނޑު ޖަހާފައެވެ. ދެވަނައިގައި އޮތް ދަގަނޑޭ ވަނީ 80 މެޗުން 53 ލަނޑު ޖަހާފައެވެ. އަދި ތިންވަނައިގައި އޮތީ 115 މެޗުން 72 ލަނޑު ޖަހާފައިވާ ސުނިލް ޗެތުރީއެވެ.
މި ލިސްޓުގެ ހަތަރުވަނަ ޕޯޗުގަލުގެ ތަރި ކްރިސްޓިއާނޯ ރޮނާލްޑޯއަށް ލިބޭއިރު، އާޖެންޓީނާގެ ކެޕްޓަން ލިއޮނެލް މެސީ އޮތީ 10 ވަނައިގައެވެ.
ބައިނަލްއަގުވާމީ އެންމެ ގިނަ ލަނޑު ޖެހި ކުޅުންތެރިންގެ ލިސްޓުގައި ދަަގަނޑޭ އޮތީ 10 ވަނައިގައެވެ. އެ ލިސްޓުގެ އެއްވަނައިގައި އޮތީ 101 ލަނޑު ޖަހައިގެން ރޮނާލްޑޯއެވެ.
ސާފް ޗެމްޕިއަންޝިޕުގައި މިހާތަނަށް 20 ލަނޑު ޖަހައިގެން އެ މުބާރާތުގެ އެންމެ ގިނަ ލަނޑު ޖެހި ކުޅުންތެރިޔާގެ މަގާމު ހޯދާފައިވާ ދަގަނޑޭ ވަނީ ރާއްޖޭގެ މޮޅު ކުޅުންތެރިޔާގެ މަގާމު މިހާތަނަށް ހަ ފަހަރު ހޯދާފައެވެ.
ދަގަނޑޭ މިހާތަނަށް ގައުމީ ޓީމަށް 53 ލަނޑު ޖަހާފައިވާއިރު، އޭނާ ގައުމީ ޓީމަށް ކުޅެން ފެށީ 2004 ވަނަ އަހަރެވެ.
