މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ޑެޕިއުޓީ މެނޭޖިން ޑިރެކްޓަރު (ޑީއެމްޑީ) ގެ މަގާމުގައި ހުންނެވި މުހައްމަދު ލަމްއާން އެ މަގާމުން މިއަދު އިސްތިއުފާ ދެއްވައިފިއެވެ.
މި ސަރުކާރުން އެމްއޭސީއެލްގެ ޑީއެމްޑީގެ މަގާމަށް ލަމްއާން އައްޔަންކުރެއްވީ 1 ފެބްރުއަރީ 2024 ގައެވެ. މަގާމާ ހަވާލުވެވަޑައިގަތްތާ މާގިނަ ދުވަސްތަކެއް ނުވަނީސް އޭނާ އިސްތިއުފާ ދެއްވި ނަމަވެސް، މަގާމުން ދުރަށް ވަޑައިގަންނަވަން ނިންމެވި ވަކި ސަބަބެއް މިހާތަނަށް ހާމަކުރައްވާފައެއް ނުވެއެވެ.
ލަމްއާން މަގާމުން އިސްތިއުފާ ދެއްވި ނަމަވެސް، އެ ކުންފުނީގެ އިތުރު ޑެޕިއުޓީ މެނޭޖިން ޑިރެކްޓަރެއްގެ ގޮތުގައި މުޖުތަބާ ލަތީފް މިހާރުވެސް ހުންނަވައެވެ.
ލަމްއާނަކީ ސަރުކާރުގެ އެކި ކުންފުނިތަކުގެ އިސް މަގާމުތައް މީގެ ކުރިންވެސް ފުރުއްވާފައިވާ ތަޖުރިބާކާރު ބޭފުޅެކެވެ. އެގޮތުން، ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައި އޭނާ ވަނީ ފެނަކަ ކޯޕަރޭޝަންގެ މެނޭޖިން ޑިރެކްޓަރުގެ މަގާމުވެސް ފުރުއްވާފައެވެ.
ކޮމެންޓު ފޮނުވާ