ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން ކުރަމުންދާ މަސައްކަތުގެ ތެރެއިން، މައުލޫމާތު ހިއްސާނުކޮށް ފިލައިގެން އުޅުނު 362 ބިދޭސީން ރާއްޖެއިން ފޮނުވާލާފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ޕީއެންސީގެ އޮފީސް ހުޅުވުމަށް މިރޭ ބޭއްވި ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ، މިދިޔަ ނޮވެމްބަރު މަހުގެ 15 ވަނަ ދުވަހުން ފެށިގެން މިއަދާ ހަމައަށް، ބަޔޯމެޓްރިކްސް ޑޭޓާ ނުދީ އަދި ކަމާބެހޭ އިދާރާތަކަށް މައުލޫމާތު ނުދީ މަގުމަތީގައި އުޅުނު 362 މީހުން ފޮނުވާލެވިފައިވާ ކަމަށެވެ. މީގެ އިތުރުން ނޮވެމްބަރު 17 އިން ފެށިގެން މިހާތަނަށް ޖުމްލަ 922 ބިދޭސީން ޑީޕޯޓްކޮށްފައިވާކަންވެސް އެމަނިކުފާނު ފާހަގަކުރެއްވިއެވެ.
ރައީސް އިތުރަށް ވިދާޅުވީ ގައުމަށް ދިމާވެފައިވާ އިޖުތިމާއީ ބޮޑެތި މައްސަލަތައް ކަމަށްވާ މަސްތުވާތަކެއްޗާއި، ގަވާއިދާ ޚިލާފު ވިޔަފާރިތަކާއި އަދި ބިދޭސީންގެ މައްސަލަތައް ހައްލުކުރުމަށް ސަރުކާރުން އިޚްލާސްތެރިކަމާއެކު މަސައްކަތް ކުރަމުންދާ ކަމަށެވެ.
ކޮމެންޓު ފޮނުވާ