ބައިނަލްއަގުވާމީ ބްރެއިލް ދުވަހާ ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެފައިވަނީ އެންމެން ޝާމިލުވާ ރާއްޖެއެއް ބިނާކުރުމުގައި ސާބިތުވެ ތިބޭނެ ކަމަށެވެ.
ސޯޝަލް މީޑިއާގައި ކުރެއްވި ޕޯސްޓެއްގައި ރައީސް ފާހަގަކުރެއްވީ، ބްރެއިލް ދުވަސް ފާހަގަކުރަނީ އުނގެނުމަށް ބްރެއިލްއިން ހުޅުވާލަދޭ ފުރުސަތުތަކާއި މިނިވަންކަމަށް ކަމަށެވެ. ރައީސް ވިދާޅުވިގޮތުގައި ހަގީގީ މާނައިގައި އެންމެން ޝާމިލުވާ މުޖުތަމައަކީ، އެއްވެސް ހުރަހެއް ނެތި ކޮންމެ މީހަކަށްވެސް މައުލޫމާތާއި ފުރުސަތުތަކަށް ވާސިލުވެވޭނެ މަގު ތަނަވަސްވެފައިވާ މުޖުތަމައެކެވެ.
ދައުލަތުގެ ސިޔާސަތުތަކަކީ އޯގާތެރިކަމުގެ މައްޗަށް ބިނާވެފައިވާ، އަދި ނިންމުންތަކުގައި އެންމެންގެ ބައިވެރިވުން ހިމެނޭ، އެއްވެސް މީހަކު ބާކީނުވާނެ ރާއްޖެއެއް ބިނާކުރުމުގައި ސާބިތުވެ ތިބުމަކީ އަޒުމު ކަމަށް ރައީސް ވިދާޅުވި އެވެ.
ކޮމެންޓު ފޮނުވާ