ރާއްޖޭގައި 250 ދިވެހި ތެރަޕިސްޓުން ތަމްރީނުކުރުމުގެ ޤައުމީ މަޝްރޫޢެއް ފެށުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ. މިނިސްޓްރީ އޮފް ހަޔާ އެޑިއުކޭޝަނުން ރޭ ހާމަކުރި ގޮތުގައި މި މަޝްރޫޢު އަންނަ އަހަރު ފެށުމަށް ވަނީ ހަމަޖެހިފައެވެ. މި ކަމާ ގުޅޭ އިތުރު ތަފްސީލް ޖެނުއަރީ 2026 އިން ފެށިގެން އެ މިނިސްޓްރީން އާންމުކުރަމުން ގެންދާނެކަމަށް ބުންޏެވެ.
ރާއްޖޭގައި ތެރަޕިސްޓުން ލިބުން ދަތިވުމާއި ތެރަޕީ ފަރުވާގެ އަގު ބޮޑުވުމަކީ ބެލެނިވެރީން ގިނައިން ފާހަގަކުރާ މައްސަލައެކެވެ. މި ދާއިރާގައި ދިވެހީން ތަމްރީންވެފައިވާ މިންވަރު ވަރަށް ދަށްކަމުން ރާއްޖޭގައި މި ހިދުމަތްދޭ ގިނައީ ބިދޭސީންނެވެ. މި މަޝްރޫޢުގެ ސަބަބުން މި ދާއިރާއަށް ބޮޑު ހޫނުމިނެއް ލިބިގެންދާނެކަމަށް ބެލެވެއެވެ.
ކޮމެންޓު ފޮނުވާ