ރާއްޖޭގެ ކޮންމެ އަތޮޅެއްގައި ޔުނިވާސިޓީ ކެމްޕަހަކާއި ދަނާލެއް ގާއިމުކުރުމުގެ މަޝްރޫއު ބާރު ސްޕީޑުގައި ކުރިއަށްދާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ޔޫތު ހަބްގައި މިރޭ ބޭއްވި "ޔޫތު ކޮފީ ވިތު ޕްރެޒިޑެންޓް" ހަރަކާތުގައި ވާހަކަފުޅު ދައްކަވަމުން ރައީސް ވިދާޅުވީ ހުރިހާ އަތޮޅެއްގައި ކެމްޕަސް އެޅުމުގެ މަސައްކަތް މިހާރު ހަވާލުކޮށް ނިމިފައިވާ ކަމަށާއި، މި އަހަރު ނިމުމުގެ ކުރިން އިމާރާތްތައް ނިންމައި ހުޅުވޭނެ ކަމަށް އުންމީދުކުރައްވާ ކަމަށެވެ. ބައެއް އަތޮޅުތަކުގައި މޯލްޑިވްސް ނެޝަނަލް ޔުނިވާސިޓީ އަދި އިސްލާމިކް ޔުނިވާސިޓީ އޮފް މޯލްޑިވްސްގެ ކެމްޕަސްތައް ވެސް ގާއިމުކުރެވޭނެ ކަމަށް ރައީސް ފާހަގަކުރެއްވިއެވެ.
ދަނާލުތައް އެޅުމުގެ މަސައްކަތް ބައެއް އަތޮޅުތަކުގައި ފެށިފައިވީ ނަމަވެސް، ހުރިހާ އަތޮޅެއްގައި އެ މަސައްކަތް އަދި ހަވާލުނުކުރެވޭ ކަމަށް ރައީސް ވިދާޅުވިއެވެ. އެހެންނަމަވެސް އަންނަ އަހަރު ނިމޭއިރު ކޮންމެ އަތޮޅެއްގައި މަތީ ތައުލީމުގެ ފުރުސަތު ފަހިވެފައި އޮންނާނެ ކަމުގެ ޔަގީންކަން ރައީސް ދެއްވިއެވެ.
ކޮމެންޓު ފޮނުވާ