ދިވެހިބަހާއި ސަޤާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމް ވިދާޅުވެފައިވަނީ މިސަރުކާރުން ރާއްޖޭގެ ތަރިކައިގެ ދާއިރާއަށް ފާއިތުވި އެއްވެސް ދުވަހެއްގައި ނުގެނެސް އޮތް ހިސާބަށް ތަރައްގީ ގެނެސްފައިވާ ކަމަށެވެ. ދިވެހި ބަހުގެ އެކަޑަމީން ބޭއްވި އަދަބީ މުބާރާތްތަކާއި އަތުލިޔުން މުބާރާތުގެ އިނާމު ދިނުމުގެ ރަސްމިއްޔާތުގައި ވާހަކަދައްކަވަމުން ވަޒީރު ވިދާޅުވީ ތަރިކައިން އާމްދަނީ ހޯދުން، ތަރިކައަކީ ދިވެހީންގެ ތަޖުރިބާގެ ބަޔަކަށް ހެދުން، އަދި ތަރިކަ ޑިޖިޓަލައިޒްކޮށް ޒަމާނީ ކުރިއެރުމަކަށް ހެދުމަށް ސަރުކާރުން ތިން ސިޔާސަތެއް އެކުލަވާލައްވާފައިވާ ކަމަށެވެ.
ކުރިން ތަރިކައަކީ ދައުލަތަށް ބުރަކަށް ދެކޭ ފަރާތްތަކަށް ވިއަސް، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވިސްނުންފުޅު އެއާ ތަފާތުކަމަށް ވަޒީރު ފާހަގަކުރެއްވިއެވެ. އެ ސިޔާސަތުތައް ހަގީގަތަކަށް ހެދުމަށް ވަރަށް ބޮޑެތި ހަރަދުތަކާއި އިންވެސްޓްމަންޓުތަކެއް ސަރުކާރުން ކުރައްވަމުންދާ ކަމަށްވެސް ވަޒީރު ހާމަކުރެއްވިއެވެ.
އަންނަ ޖަނަވަރީ މަހު މާލޭގައި އިންޓަރެކްޓިވް އިމާސިވް ޓެކްނޮލޮޖީ ހިމެނޭ ރާއްޖޭގެ ފުރަތަމަ ދާރުލްއާސާރު އުސްގެކޮޅާއި އެ ސަރަހައްދުގައި ގާއިމުކުރުމުގެ މަސައްކަތް ފެށިގެންދާނެ ކަމަށާއި، ޣާޒީ ރަދުންގެ އާސާރުތައް ހއ. އުތީމު، ތަކަންދޫ އަދި ބާރަށުގައި ތަރައްގީކުރުމުގެ މަސައްކަތް ވަނީ ފަށާފައިވާ ކަމަށްވެސް ވަޒީރު ވިދާޅުވިއެވެ.
ކޮމެންޓު ފޮނުވާ