ރައީސުލްޖުމްހޫރިއްޔާ ޑރ. މުހައްމަދު މުއިއްޒު އަންނަ ބުދަ ދުވަހުގެ ރޭ ދިވެހި ވިޔަފާރިވެރިންނާ ބައްދަލުކުރައްވާނެކަމަށް ރައީސް އޮފީހުގެ ތަރުޖަމާނު ހީނާ ވަލީދު މިއަދު ހާމަކުރައްވައިފިއެވެ. މި ބައްދަލުވުން އޮންނާނީ ބުދަ ދުވަހުގެ ރޭ 8:30 ގައި ސޯޝަލް ސެންޓަރުގައެވެ.
ރައީސުލްޖުމްހޫރިއްޔާ ރައްޔިތުންނާ ގާތުން ބައްދަލުކުރައްވައި ހިޔާލާއި މަޝްވަރާ ހޯއްދަވަމުން ގެންދަވާ ސިލްސިލާ ބައްދަލުވުންތަކުގެ ތެރެއިން އޮންނާނީ މި ބައްދަލުވުމެވެ. ވިޔަފާރިވެރިންނަށް ދިމާވަމުން އަންނަ ގޮންޖެހުންތަކާއި އިގްތިސާދީ ދާއިރާގެ ތަރައްގީއަށް ކުރެވިދާނެ މަސައްކަތްތަކާ ގުޅޭގޮތުން މަޝްވަރާކުރުމަށް މި ބައްދަލުވުމުގައި ފުރުސަތު ލިބިގެންދާނެއެވެ.
ރައީސް އޮފީހުން ވަނީ ހުރިހާ ވިޔަފާރިވެރިންނަށް މި ބައްދަލުވުމުގައި ބައިވެރިވުމަށް ދައުވަތު އަރުވާފައެވެ. ވިޔަފާރިވެރިންގެ ކަންބޮޑުވުންތައް ހިއްސާކޮށް އެކަންކަން ސީދާ ރައީސުލްޖުމްހޫރިއްޔާއަށް ހުށަހެޅުމުގެ ފުރުސަތަކަށް މި ބައްދަލުވުން ވާނެއެވެ.
ކޮމެންޓު ފޮނުވާ