އިސްލާމް ދީނުގެ ޙުދޫދުން ބޭރުވާ ގޮތަށް ކަންކަން ނުކުރެއްވުމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު އިލްތިމާސްކުރައްވައިފިއެވެ.
މިއަދު ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ރައީސް ވަނީ ރާއްޖެއަކީ ސައްތައިން ސައްތަ މުސްލިމު ޤައުމަކަށްވާތީ އިސްލާމްދީނުގެ ގިއުގަނޑުގެ ތެރޭގައި އަމަލުތައް ބެހެއްޓުމަކީ ކޮންމެ ރައްޔިތަކު އުފަލާއެކު ކުރަންވާނެ ކަމެއްކަމުގައި ވިދާޅުވެފައެވެ. ރައީސް ފާހަގަކުރެއްވީ މުސްލިމުންގެ ސަޤާފަތާ ޚިލާފު ކަންކަމުން ދުރުވާންޖެހޭ ކަމަށެވެ.
ފިލްމާއި މުނިފޫހިފިލުވުމުގެ އިންޑަސްޓްރީގައި ހަރަކާތްތެރިވާ ފަރާތްތަކުގެ އަރިހުން ރައީސް ވަނީ ހާއްސަކޮށް އިސްލާމްދީނުގެ ޙުދޫދުން ބޭރުވާ ގޮތަށް ކަންކަން ނުކުރެއްވުމަށް އެދިވަޑައިގެންފައެވެ. އަދި ހެދިބޮޑުވަމުން އަންނަ ޖީލަށް އިސްލާމީ ސަޤާފަތާއެކު ހެޔޮ ނަމޫނާ ދައްކާ ބަޔަކަށްވުމަކީ ޤައުމަށް ކޮށްދެވޭނެ އެންމެ އަގުހުރި ޚިދުމަތް ކަމަށް ރައީސް ވިދާޅުވިއެވެ.
ރައީސްގެ މި އިލްތިމާސް ވަނީ ލިލީ ފިލްމުގެ ޕްރިމިއާ ނައިޓްގެ ފޮޓޯއެއް ސޯޝަލް މީޑިއާގައި ވައިރަލްވެފައި ވަނިކޮށެވެ. އެ ފޮޓޯއިން ފެންނަ ފިރިހެން މީހާ ހެދުން އަޅާފައި އޮތްގޮތް އިސްލާމީ މިންގަނޑުތަކާ ހިލާފު ކަމަށް ބުނެ ގިނަ ބަޔަކު ވަނީ ވަރަށް ބޮޑަށް ފާޑުވިދާޅުވެފައެވެ.
ކޮމެންޓު ފޮނުވާ