އުތުރުގެ އަތޮޅެއްގެ މީހަކު މަސްތުވާތަކެތި ގެންގުޅުނު މައްސަލައެއްގައި 12 އަހަރުގެ ޖަލު ހުކުމަކާއި 50،000 ރުފިޔާގެ ޖޫރިމަނާއެއް ކްރިމިނަލް ކޯޓުން ކަނޑައަޅައިފިއެވެ.
2020 ވަނަ އަހަރުގެ ފުރަތަމަ ބައިގައި މާލޭން މި މީހާ ހައްޔަރުކުރިއިރު، އޭނާގެ އަތުގައި ހުރި ކޮންޑަމެއްގެ ތެރޭގައި މަސްތުވާތަކެތި ފެނިފައިވެއެވެ. ފުލުހުން ބުނި ގޮތުގައި މަސްތުވާތަކެތި ހުރީ ކޮންޑަމެއްގެ ތެރޭގައި ފޮރުވައިގެންނެވެ.
ދައުލަތުން މި މީހާގެ މައްޗަށް ކުރި ދައުވާގައި ފުރަތަމަ ފަހަރު އޭނާ ވަނީ ދައުވާ އިންކާރުކޮށްފައެވެ. ނަމަވެސް ފަހުން މި ދައުވާއަށް އިއުތިރާފުވެ، ދައުލަތާ އެކު އިއުތިރާފު އެއްބަސްވުމެއް ހަދާފައި ވެއެވެ.
އިއުތިރާފު އެއްބަސްވުމުގެ ސަބަބުން އަދަބު ލުއިކޮށްދީފައިވާ ކަމަށް ކޯޓުން ބުނެފައިވެއެވެ. އެގޮތުން މި މީހާގެ މައްޗަށް ކަނޑައެޅީ 12 އަހަރުގެ ޖަލު ހުކުމަކާއި 50،000 ރުފިޔާގެ ޖޫރިމަނާއެކެވެ.
ކްރިމިނަލް ކޯޓުން މި މައްސަލަ ނިންމާފައިވަނީ އީދު ބަންދުގެ ހަފްތާގެ ކުރިން ކަމަށް ކޯޓުގެ ރިޕޯޓުން އެނގެއެވެ.
ކޮމެންޓު ފޮނުވާ